મુંબઈ :
ટ્રેનમાં મુસાફરી કરવાનું તમારું નક્કી હોય અને સંજોગવશાત જો તમે ટ્રેન ચૂકી જાવ તો હવે ટેન્શન લેવાની જરૂર નથી. થોડા દિવસો પહેલાં રેલવે ટ્રેન ચૂકી જતાં રિફંડ નહીં મળે તેવા કરેલા નિર્ણયને ફેરવી તોળ્યો છે.
રેલવે દ્વારા પહેલા એવી જાહેરાત કરવામાં આવી હતી કે કોઈ કારણોસર રિઝર્વ ટિકીટ પર તમે મુસાફરી કરી ન રહ્યા હો તો ટ્રેન ચૂકી ગયા બાદ તમને ધારાધોરણો પ્રમાણે ભાડું નહીં મળે. રેલ તંત્ર તરફથી કહેવામાં આવ્યું હતું કે જે લોકોને ગ્રુપમાં ટિકીટ કરાવી બુકિંગ કરાવ્યું હોય તેમને પણ રિફંડ આપવામાં નહીં આવે. આ વ્યવસ્થા એક માર્ચથી અમલી બનનારી હતી. પરંતુ રેલવે દ્વારા તેમાં યુટન લેવામાં આવ્યો છે.
રેલવેના એક અધિકારીએ જણાવ્યું હતું કે, હાલમાં નિયમોમાં કોઈ ફેરફાર કરવામાં આવ્યો નથી. જૂની પદ્ધતિ પ્રમાણે ટ્રેન છૂટી ગયાના બે કલાક બાદ પણ પૈસા પરત મળી શકશે. ટ્રેન ઉપડવાના 48 કલાક પહેલાં ટિકિટ કેન્સલ કરાવવાથી પહેલાંની જેમ જ એસી-1માં 120 રૂપિયા, એસી-2માં 100 રૂપિયા, એસી -3માં 90 રૂપિયા, સ્લીપરમાં 60 રૂપિયા તથા જનરલ ટિકિટ પર 30 રૂપિયા કપાત ચાર્જ લાગશે.
MP
Reader's Feedback: