દુનિયાની નંબર એક મોબાઈલ હેન્ડસેટ બનાવતી કંપની સેમસંગ ટૂંક સમયમાં જ નવા મોબાઈલ હેન્ડસેટ લોન્ચ કરવા જઈ રહી છે. જેનું નામ ગેલેક્સી કોર 2 હોવાનું માનવામાં આવી રહ્યું છે. આ ફોનની કિંમત 17,000 રૂપિયાની આસપાસ હશે તેવો આશાવાદ વ્યક્ત કરવામાં આવી રહ્યો છે. સેમસંગ આ ફોનને લઈને કોઈ જાહેરાત કરે તે પહેલાં જ રશિયાની એક વેબસાઈટ પર ફોનની તસવીરો અને ફીચર્સ લીક થઈ ગયા છે.
સેમસંગનું કહેવું છે કે, આ ફોન બજેટ સ્માર્ટફોન હશે. જેમાં 1.2 ગીગાહર્ટઝ ક્વોડ કોર પ્રોસેસર, 4 જીબીની ઈન્ટરનલ મેમરી સાથે 64 જીબી સુધીનું એસડી કાર્ડ સ્લોટ તથા 512 એમબી રેમ હશે. ડ્યુઅલ સિમ ફોન ગેલેક્સી કોર અને કોર પ્લસનું અપગ્રેડ વર્ઝન હોવાનું માનવામાં આવે છે. આ સ્માર્ટફોનની સ્ક્રીન 4.5 ઈંચની કેપેસિટિવ ટીએફટી ટચ સ્ક્રીન હશે. જેનું રિઝોલ્યુશન 800x480 પિકસ્લ હશે.
સ્માર્ટફોનનું વજન લગભગ 138 ગ્રામ અને જાડાઈ 9.8 એમએમ હશે. ફોનમાં 5 મેગાપિક્સલનો રિયર અને 0.5 મેગાપિક્સલનો ફ્રન્ટ કેમેરો હશે. એન્ડ્રોઈડ 4.4 કિટકેટ ઓપરેટિંગ સિસ્ટમ પર ચલાતા ઓ ફોનમાં ચટવિઝ યૂઝર ઈન્ટરફેસ હશે. 21 એમબીપીએસની સ્પીડ આપતી 3જી સુવિધા, વાઈફાઈ, જીપીએસ, બ્લૂટૂથ આ સ્માર્ટફોનના અન્ય ફીચર હશે. ફોનમાં 2000 એમએએચની બેટરી હશે.
MP
Reader's Feedback: