આજના હરિફાઈ ભર્યાં જમાનામાં દરેક ટેલીકોમ કંપનીઓ પોતાના વર્તામાન ગ્રાહકોને જાળવી રાખવા અને નવા ગ્રાહકોને આકર્ષવા અવનવી ઓફરો આપતી હોય છે. જેનો ફાયદો આખરે તો ગ્રાહકોને જ થતો હોય છે.
ટેલીકોમ કંપની એરસેલ દ્વારા ફેસબુક ફોર ઓલ લોન્ચ કરીને ગ્રાહકોને સોશિયલ મીડિયા પ્લેટફોર્મ ફેસબુકને નિઃશુલ્ક એકસેસ કરવાની ઓફર કરી છે. આ ઓફર એરસેલના વર્તમાન અને નવા ગ્રાહકોને મળશે. જે અંતર્ગત ગ્રાહકો ફેસબુક એપ, ફેસબુક મેસેન્જર તથા મોબાઈલ વર્ઝનને ફ્રીમાં એકસેસ કરી શકશે.
આ ઓફર હેઠળ તમામ નવા ગ્રાહકો એક્ટિવેશન બાદ 60 દિવસ સુધી ફેસબુક પર દર મહિને ફ્રી 50 એમબી ડેટા પ્રાપ્ત કરી શકે છે. વર્તમાન ગ્રાહકોને 30 દિવસ સુધી 50 એમબી ફ્રી ડેટા મળશે. આ સેવા આંધ્રપ્રદેશ, રાજસ્થાન, પંજાબ, જમ્મુ-કાશ્મીર, હિમાચલ પ્રદેશ, દિલ્હી તથા મહારાષ્ટ્રમાં ઉપલબ્ધ છે. આગામી થોડા દિવસોમાં બાકીના સર્કલોમાં પણ આ સેવા ઉપલબ્ધ કરાવવામાં આવશે.
MP
Reader's Feedback: