વોટ્સએપ દ્વારા એન્ડ્રોઈડ માટે નવા એપડેટ આપવાનું શરૂ થઈ ગયું છે. જોકે, કંપનીએ આ સાઈટ પર રહેલી એપીકે ફાઈલ સાથે એમ બતાવ્યું નથી કે નવા વર્ઝનમાં કઈ વસ્તુઓ સામેલ હશે, પરંતુ આમાં કેટલાક મહત્ત્વના ફીચર એડ કરવામાં આવ્યા છે. આ અપટેડેટ એપ ભારત માટે ગૂગલ પ્લેમાં ઉપલબ્ધ નથી.
એન્ડ્રોઈડ માટે અપડેટ વર્ઝન 2.11.230માં ગ્રુપ્સનો મ્યૂટ ટાઈમ 8 કલાક, એક દિવસ અને એક અઠવાડિયાથી વધારીને એક મહિનો, એક વર્ષ અને 100 વર્ષ સુધીનો કરવામાં આવ્યો છે. હવે યૂઝર્સ ગ્રુપ નોટિફિકેશન્સને સંપૂર્ણ રીતે ડિએક્ટિવેટ કરી શકશે. અત્યાર સુધી યૂઝરને મ્યૂટેડ ગ્રુપથી સાઈલંટ નોટફિકેશન્સ મળતું હતું, પરંતુ હવે નવા શો નોટિફિકેશન ફીચરથી તેને પૂરી રીતે બંધ કરવામાં આવશે. હવે આ ડિવાઈસની નોટિફિકેશન ટ્રેમાં નહીં જોવા મળે.
આ ઉપરાંત આ અપડેટમાં કેમેરા આઈકોનને વોઈસ મેસેજ આઈકોન સાથે રાખવામાં આવ્યા છે. તેનાથી કેમરો ઉઘડી જાય છે અને યૂઝર તરત જ ફોટો પાડીને મોકલી શકે છે. તેથી હવે ફોટો શૂટ કરીને મોકલવા માટે એટેચમેન્ટમાં જવાની જરૂર નથી.
ગત મહિને વોટ્સએપે એન્ડ્રોઈડ એપ માટે એક અપડેટ બહાર પાડ્યુ હતું. આ અપડેટમાં નવી પ્રાઈવેસી સેટિંગ્સ જોડવામાં આવી હતી, જેનાથી યૂઝર લાસ્ટ સીન, પ્રોફાઈલ ફોટો અને સ્ટેટસને અન્ય લોકોથી છૂપાવી શકતો હતો.
MP
Reader's Feedback: