ભારતીય જનતા પાર્ટી ચૂંટણી બાજ સોશિયલ નેટવર્કિંગ સાઈટને મોટા પાયે પ્રોત્સાન આપવા પગલાં ભરી રહી છે. પક્ષનું કહેવું છે કે જો તે સત્તામાં આવશે તો એવું વાતાવરણ તૈયાર કરશે જેમાં ગૂગલ, ફેસબુક તથા યાહૂ જેવી કંપનીઓને ભારતમાં પોતાનું સર્વર સ્થાપવા માટે પ્રોત્સાહન આપવામાં આવશે. બીજેપનીની આઈટી ટીમના એક સભ્યએ જણાવ્યું હતું કે, પાર્ટી વિવિધ વિદેશી અને ભારતીય આઈટી કંપનીઓના સંપર્કમાં છે. જે કંપનીઓના સર્વર ભારતની બહાર છે તેવી કંપનીઓને તેઓ નીતિગત રીતે સમર્થન આપી રહ્યા છે.
બીજેપીના આઈટી સેલના રાષ્ટ્રીય સહ સંયોજક વિનીત ગોયન્કાએ જણાવ્યું હતું કે, અમે તેના પર ભાર આપી રહ્યા નથી. પરંતુ અમારું માનવું છે કે આ કંપનીઓ તેમનું સર્વર ભારતમાં લાવે. હાલની સરકાર ટેક્નોલોજી પોલિસી લાવવામાં નિષ્ફળ રહી છે. તેમણે એવું કંઈ કર્યું નથી કે જેથી વિદેશી કંપનીઓ એ વાતથી પ્રોત્સાહિત થાય કે ભારતીય ઈન્ટરનેટ યુઝર્સના ડેટા ભારતમાં જ રાખવામાં આવે. તેનાથી અમને આર્થિક નુકસાની તો થશે જ, પરંતુ ડેટા સુરક્ષાનો ખતરો પણ લાગી રહ્યો છે.
અમેરિકાના પૂર્વ રાષ્ટ્રીય સુરક્ષા સલાહકાર એજન્સીના કોન્ટ્રાકટર એડવર્ડ સ્નોડેન દ્વારા કરવામાં આવેલા વિસ્ફોટ બાદ ડેટા સુરક્ષાની ચિંતા વધી ગઈ છે. તેમના પ્રમાણે અમેરિકાની સરકાર પાસે ગૂગલ, ફેસબુક તથા યાહૂ જેવી કંપનીઓની નિકાળવામાં આવેલા લાખો લોકોના વ્યક્તિગત ડેટા છે. ઘણા સમયથી ઈન્ટરનેટ એક્ટિવિસ્ટ ડેટા સલામત રહે તે હેતુથી આ કંપનીઓને ભારતમાં પોતાના સર્વર લગાવવાનું કહી રહ્યા છે.
ગોયનકાએ કહ્યું હતું કે, આખરે આપણા દેશના લોકોના ડેટા અન્ય દેશમાં કેમ રાખવામાં આવે છે તે એક મોટો સવાલ છે. આપણને તેમના પર વિશ્વાસ તો છે પરંતુ તેમ છતાં ખતરો શા માટે લેવો જોઈએ?
MP
Reader's Feedback: