modi megic in garba | જામનગર ગરબામાં મોદી મેજિક છવાયો

જામનગર ગરબામાં મોદી મેજિક છવાયો

જીજીએન ટીમ દ્વારા | October 14, 2013, 01:44 PM IST

જામનગર : ગુજરાતનાં મુખ્યમંત્રી નરેન્દ્ર મોદીનું નામ ભાજપ પક્ષના વડાપ્રધાન પદના ઉમેદવાર તરીકે જાહેર થતાં દેશભરમાં મોદી મેજીક છવાયો છે. ત્યારે હાલ ચાલી રહેલા નોરતાંમાં પણ અનેક સ્થળોએ મોદી મેજિક જોવા મળ્યો છે. ગુજરાતના અનેક સ્થળો પર ગરબામાં યુવાનો ગરબામાં નરેન્દ્ર મોદીના મુખવટા પહેરી ગરબે રમતા જોવા મળ્યાં છે. ત્યાર સૌરાષ્ટ્રના જામનગર ખાતે પણ ગરબામાં આવો જ મેજીક જોવા મળ્યો હતો.

જામનગર શહેરનાં પંચેશ્વર ટાવર નજીક સર્વશકિત હિંગળાજ યુવક ગરબી મંડળ દ્વારા ચાલી રહેલા પ્રાચીન રાસોત્સવમાં યોજાયેલા ગરબામાં મોદીનાં મુખવટા પહેરી યુવાનોએ ગરબા લીધા હતા. પ્રાચીન ગરબીમાં ન.મો. રાસ રમાતા ઉપસ્થિત લોકો દંગ થઇ ગયા હતા અને ન.મો. રાસને તાળીઓનાં ગડગડાટથી વધાવી લીધો હતો.

AI/DT