Home» Women» Women Power» Manan chaturvedi social activity at rajkot

93 બાળકોની લાગણીશીલ જનેતા!

જીજીએન ટીમ દ્વારા | August 16, 2013, 12:24 PM IST

રાજકોટ : અનાથ બાળકોની સહાય માટે અનેકવિધ સંસ્થાઓ કાર્યરત છે પરંતુ આ સેવાકીય પ્રવૃતિઓ કરવા માટે કોઈ એક વ્યક્તિ જ કાર્યરત હોય તેવું તો ક્યારેક જ બને! સેવાકીય પ્રવૃત્તિ કોઈ મહિલા દ્વારા એકલા હાથે કરવામાં આવતી હોય એ તો અકલ્પનીય જ ગણી શકાય.

પોતાના કરિયરની પરવાહ કર્યા વિના પોતાના 3 બાળકો સહિત 90 અનાથ બાળકોની સેવાચાકરી કરતી મનન ચતુર્વેદી રાજકોટના આંગણે આવી હતી. અનાથ બાળકોના સારા ભવિષ્ય માટે સતત ઝઝૂમતી આ 93 બાળકોની માતાએ સતત 24 કલાક સુધી પેઈન્ટિંગ કર્યું હતું. આ પેઈન્ટિંગમાંથી જે કંઈ આવક થશે તે અનાથ બાળકોના સારા ભવિષ્ય માટે વપરાશે.

મૂળ જયપુરની મનન ચતુર્વેદી પોતે ફેશન ડિઝાઈનર છે. એક વખત તે કોઈ કામ માટે બજારમાં જતી હતી ત્યારે એક બાળક કપડા વિનાનું દેખાતા એનું મન વિચલિત થઇ ગયું હતું અને તેને અનાથ બાળકોને સાચવવાનો વિચાર આવ્યો હતો. ત્યારથી મનન અનાથ બાળકોને સાચવવાની કામગીરીમાં લાગી ગઈ છે.

મનનના લગ્ન પણ થઇ ગયા છે અને તેને પણ 3 બાળકો છે. ત્યારબાદ તેણે આ સેવાકીય પ્રવૃત્તિ વેગવંતી બનાવી. અત્યારે મનન પોતાના 3 બાળકો સહિત કુલ 93 બાળકોની પરવરિશ કરે છે. આ 93 બાળકોની પરવરિશ માટે મનનને દર મહીને અંદાજે રૂ. 5 લાખ જેટલો ખર્ચ થાય છે. તેને સરકાર તરફથી કાઈ સહાય મળતી નથી અને તે આ ખર્ચ માટે કોઈ પાસે સહાય પણ માંગતી નથી.

મનન ગામે ગામ પેઈન્ટિંગ કરીને તે વેચીને તેમાંથી જે ઉપજ થાય તેમાંથી આ ખર્ચ કાઢે છે. આજે રાજકોટમાં તેણે સતત 24 કલાક સુધી ઊભા ઊભા પેઈન્ટિંગ કરીને અનાથ બાળકો માટે અભૂતપૂર્વ મહેનત કરી હતી. અગાઉ મનન જયપુરમાં સતત 72 કલાક ઉભી રહીને પેઈન્ટિંગ કરી ચૂકી છે. પોતે ફેશન ડિઝાઈનર હોય તેને અમેરિકા જવાની પણ તક મળી હતી પરંતુ તેણે અનાથ બાળકોની સેવા કાજે પોતાનું ભાવિ ઘડાતું હતું તેવી ઓફર ઠુકરાવી દીધી હતી.

મનન અનાથ બાળકોના સારા અને ઉજળા ભવિષ્ય માટે સતત કાર્યશીલ રહે છે પોતાના બાળકોને સારું ભવિષ્ય મળે અને તે આગળ ભણી ગણીને સારી કક્ષાએ સ્થાયી થાય તેવા શુભ હેતુસર તે દિવસરાત જોયા વિના અવિરત મહેનત કરી રહી છે. અનાથ બાળકોની સેવા તો સૌ કોઈ કરતા હોય છે પરંતુ પોતાના જીવનનો ત્યાગ કરીને સતત મહેનત કરીને તેમાંથી થતી ઉપજમાંથી કોઈ સેવા કરતુ હોય તેવી કદાચ આ પહેલી વ્યક્તિ હશે.

JJ / KP

Reader's Feedback:

blog comments powered by Disqus

Today Cartoon

GGN Voice
 
Radisson

Opinion Poll

 
અરવિંદ કેજરીવાલ વારાણસીમાં મોદી સામે જીતી શકશે ?
હાં. જીતી જશે 80.92 %
નાં. હારી જશે. 18.61 %
કહીં ન શકાય. 0.47 %