ગુજરાતમાં લોકસભાની ૨૬ બેઠકો માટે તા.૩૦ ના રોજ મતદાન યોજાનાર હોય તે માટે ચુંટણી કામગીરી સોપવામાં આવી છે તેવા કર્મચારીઓને મતદાન મથક સુધી પહોંચાડવા માટે ચુંટણી પંચ દ્વારા એસ.ટી.ની ચાર હજાર કરતા વધુ બસો ભાડે લેવામાં આવી છે તેમજ ચુંટણી પંચ દ્વારા ખાનગી વાહનો રીકવીઝટ કરવામાં આવ્‍યા છે પરંતુ તે વાહન ચલાવવા માટે ડ્રાઇવરો ન હોય એસ.ટી.તંત્ર દ્વારા વધારાના એક હજાર ડ્રાઇવરો ફાળવવામાં આવ્‍યા છે. આમ આવતી કાલથી બે દિવસ માટે એસ.ટી.નું.સમય પત્રક વેરવિખેર થઇ જશે અને સમયસર બસો નહી મળવાના કારણે મુસાફરોને ભારે હાલાકી વેઠવી પડશે.

રાજયમાં તા.૩૦ ના રોજ લોકસભાની ૨૬ બેઠકો માટે તા.૩૦ ના રોજ મતદાન થનાર છે. અને મતદાનની કામગીરી સોપવામાં આવી છે. તેવા કર્મચારીઓ તથા પોલીસ કર્મચારીઓને મતદાન મથક સુધી પહોંચાડવા માટે એસ.ટી.તંત્ર દ્વારા ચાર હજાર કરતા વધુ બસોની ફાળવણી કરવામાં આવી છે. જેમાં આવતી કાલ બપોરથી ચુંટણી કામગીરી માટે કલેકટર તંત્રને બસો ફાળવવાનું શરૂ કરવામાં આવનાર હોય જેના કારણે બે દિવસ માટે મુસાફરોને નિયમીત બસો નહી મળે જેના લીધે પારાવાર મુશ્‍કેલીઓ વેઠવી પડશે.એસ.ટી.ના સુત્રોના જણાવ્‍યા પ્રમાણે ચુંટણી પંચ દ્વારા એસ.ટી.ની બસો ઉપરાંત ખાનગી વાહનો રીકવીઝટ કર્યા છે પણ તેવા વાહનો ચલાવવા માટે ડ્રાઇવરો ન હોય ચુંટણી પંચ દ્વારા એક હજાર જેટલા ડ્રાઇવરો માંગવામાં આવ્‍યા છે અને તમામ ડ્રાઇવરો આવતી કાલ સવાર સુધીમાં ફાળવી દેવામાં આવશે. આમ આવતી કાલ બપોરથી તા.૧ ના સવાર સુધીમાં બે દિવસ માટે સમયસર એસ.ટી.બસો નહી મળવાના કારણે મુસાફરોને ભારે હાલાકી વેઠવી પડશે.

CP/DP