Home» Crime - Disaster» Crime» Gang rape in rajkot

રાજકોટમાં રેપ અને ગેંગરેપની ઘટના બની...

જીજીએન ટીમ દ્વારા | October 16, 2013, 04:13 PM IST

રાજકોટ : રાજકોટમાં નવલા નોરતા દરમિયાન એક રેપ અને ગેંગરેપનો બનાવ નોંધાતા ભારે ચકચાર મચી જવા પામી છે. શહેરમાં કાયદો અને વ્યવસ્થાની કથળથી પરિસ્થિતિને કારણે પોલીસ સામે વેધક પ્રશ્નો ઉભા કરી દીધા છે. બનાવની વિગતમાં શહેરના કોઠારીયા રોડ ઉપર રહેતી એક તરૂણી છઠ્ઠા નોરતે માતાજીની ગરબી જોવા માટે ઘરેથી નીકળી હતી ત્યારે બે નરાધમોએ તેનું અપહરણ કરી તેની સાથે દુષ્કર્મ કર્યુ હતું. પોલીસે બન્ને અપરાધીઓની ધરપકડ કરી ગુનો નોંધી આગળની કાર્યવાહી હાથ ધરી હતી. ત્યારે બીજી બાજુ શહેરના થોરાળા પોલીસ સ્ટેશનમાં એક ગેંગરેપની ઘટના ઘટતા શહેરમાં સનસનાટી મચી જવા પામી છે. જેમાં એક સગીર સહીત છ લોકોએ એક માનસિક બિમાર પરણિતાને નાસ્તાની લાલચ આપી અવાવરું મકાનમાં રાખી સતત બે દિવસ સુધી આરોપીઓએ બળાત્કાર ગુજરી હીન કૃત્ય આચર્યું હતું. પોલીસે ગુનાની ગંભીરતાને ધ્યાનમાં લઇને કૃત્ય કરનાર આરોપીઓ પૈકી 5 આરોપીઓને ઝડપી લીધા છે. હજુ પણ એક આરોપી ફરાર હોય આજ સાંજ સુધીમાં પકડાઇ જાય તેવી શક્યતા છે.

શહેરના રાંદરડા તળાવ નજીક આવેલ મફતીયાપરામાં પિયરમાં રહેતી 20 વર્ષીય માનસિક અસ્થિર પણિણીતા ગત 13મીના રોજ સાંજે ગરબા જોવા ગઇ હતી. આ પરિણીતાને માનસિક બિમારી હોવાથી તેના સાસરિયાઓએ તેના મા-બાપના ઘરે મૂકી ગયા હતા. આ પરિણીતા ઘરે પરત નહી આવતા મા-બાપ શોધવા નીકળ્યા ત્યારે નજીકના એક અવાવરૂ મકાનમાં અસ્તવ્યસ્ત હાલતમાં હોવાનું જાણવા મળતાં ત્યાં દોડી ગયા હતા. મકાનમાં ગાદલા સહીત નાસ્તો પણ ત્યાં મળી આવ્યો હતો. પરિણીતાને ઘરે લઇ જઇ પુછતાછ કરતાં તેણે ઘરની પાસે રહેતો નાઠો કોળી નામના યુવાને તેને નાસ્તાની લાલચ આપી ત્યાં લઇ જઇને તેની સાથે અન્ય પાંચ શખ્સોએ ત્રણ દિવસ સુધી બળાત્કાર ગુજાર્યા હોવાનું જણાવતાં તેઓ હતપ્રત થઇ ગયા હતા. ત્યાર બાદ યુવતીને હોસ્પિટલમાં સારવાર અર્થે ખસેડી થોરાળા પોલીસ સ્ટેશનમાં ફરિયાદ નોંધાવી હતી. પોલીસે ફરીયાદ નોંધી તમામ આરોપીઓને પકડવાના ચક્રો ગતિમાન કર્યા હતા.

થોરાળા પોલીસ અને ક્રાઇમ બ્રાન્ચના સંયુક્ત ઓપરેશનથી પાંચ આરોપીઓની ધરપકડ કરી લીધી હતી. પકડાયેલા પાંચ આરોપીઓ પૈકી એક સગીર વયનો હોવાનું જાણવા મળ્યું છે. પોલીસે ગેંગરેપનો મુખ્ય સુત્રદાર યુવરાજનગર વિસ્તારનો નાઠો કુકડિયા-કોળી, તેનો ભાઇ વિક્રમ કુકડિયા સહીત પાંચ આરોપીઓની ધરપકડ કરી લીધી હતી. જ્યારે એક આરોપીની શોધખોળ ચાલી રહી છે. રાજકોટ શહેરમાં નોરતા દરમિયાન એક રેપ અને એક ગેંગરેપની ઘટના ઘટતા શહેરમાં ભારે ચકચાર મચી ગઇ છે. જ્યારે કૃત્ય આચરનાર આરોપીઓને તાકીદે ફાંસીની સજા આપવામાં આવે તેવી લોકમાંગ ઉઠવા પામી છે.

JJ/DT

Reader's Feedback:

blog comments powered by Disqus

Today Cartoon

GGN Voice
 
Radisson

Opinion Poll

 
અરવિંદ કેજરીવાલ વારાણસીમાં મોદી સામે જીતી શકશે ?
હાં. જીતી જશે 79.91 %
નાં. હારી જશે. 19.44 %
કહીં ન શકાય. 0.65 %