ભારતમાં ફેસબુકનો વપરાશકરતાં લોકોની સંખ્યા 10 કરોડને પાર કરી ગઈ છે. અમેરિકા પછી આ જાદુઈ મુકામ સ્થાન પર પહોંચનાર ભારત બીજો દેશ છે. આ સાથે જ ફેસબુકે ભારતમાં 100 કરોડ વપરાશકારો બનાવવાનું લક્ષ્ય રાખ્યું છે.
ફેસબુકના ગ્લોબલ ગ્રોથ વિંગના પ્રમુખ ઝેવિયર ઓલવિને જણાવ્યું હતું કે, 31 માર્ચના રોજ ભારતમાં ફેસબુકના વપરાશકારોની સંખ્યા 10 કરોડને પાર કરી ગઈ હતી. અમારું આગામી લક્ષ્ય 100 કરોડનું છે. જે અમારા માટે અલગ પડકાર હશે. 7 એપ્રિલના રોજ કેલિફોર્નિયામાં આવેલા ફેસબુકના વડામથકમાં ઓલિવનને 40 મિનિટનો એક વીડિયો બહાર પાડીને જણાવ્યું હતું કે, ભારતમાં ફેસબુક આગામી 10 વર્ષની રણનીતિ ઘડી રહી છે.
ફેસબુકે જણાવ્યું હતું કે, આગામી સમયમાં તે ભારતમાં ટેલીકોમ, ટેક્નોલોજી કંપનીઓની મદદથી ઈન્ટરનેટની સેવા વધારવાની કોશિશ કરશે. બીજી બાજુ, મોબાઈલ યૂઝર્સ માટે ઈન્ટનેટ સેવા ઉપલબ્ધ કરાવવા તથા ત્રીજું મોબાઈલ ફોનના સ્તર પર કામ કરશે.ઓલિવને જણાવ્યું હતું કે, ભારતમાં લોકોને હાલમાં પણ ઓછી કિંમતના મોબાઈલ ફોનની જરૂરિયાત છે.
ઓલિવન ફેસબુકના ત્રણ મુખ્ય અધિકારીઓમાંથી છે જેઓ સીધા જ માર્ક ઝુકરબર્ગને રિપોર્ટ કરે છે. તેમણે જણાવ્યું હતું કે, જો તમે કોઈ પ્રોડક્ટનો રિવ્યું કરવા જાવ અને ડેસ્કટોપ વર્ઝનથી શરૂ કરો તો માર્ક તમને તરત જ બહાર નિકાળી દેશે. હવે દરેકે મોબાઈલ અંગે વિચારવું પડશે.
MP
Reader's Feedback: