જાણીતી સોશિયલ નેટવર્કિંગ સાઈટ ફેસબુકના વપરાશકારોની સંખ્યા દિવસે બમણી અને રાત્રે ચાર ગણી વધી છે. ફેસબુકના બગ બાઉન્ટી (ભૂલ બતાવીને ઈનામ મેળવનાર) કાર્યક્રમ અંતર્ગત ગત વર્ષે ભારતમાં બગ (ટેકનિકલ ખામી) રિપોર્ટ કરવામાં ભારત પ્રથમ નંબરે રહ્યું હતું.
ભારતમાં ફેસબુકના લગભગ 9.3 કરોડ વપરાશકર્તા છે. કેલિફોર્નિયામાં વડું મથક ધરાવતી કંપની ફેસબુકે જણાવ્યું હતુંકે વર્ષ 2013 દરમિયાન તેમને કુલ 14,763 એન્ટ્રી મળી હતી. જે પૈકી 687 બગ માન્ય અને પુરસ્કાર યોગ્ય હતી. બગ કોઈ સોફ્ટવેર કે હાર્ડવેરમાં મુશ્કેલી દર્શાવે છે. જેનાથી અમુક પ્રોગ્રામ ખરાબ થઈ જાય છે. સામાન્ય રીતે સોફ્ટવેરમાં ખામીના કારણે થાય છે.
સમગ્ર વિશ્વમાં ફેસબુકના 1.2 અબજ વપરાશકારો છે. કંપનીને ગત વર્ષે બગ રિપોર્ટ અંગેના સંશોધન પાછળ 15 લાખ ડોલરનો ખર્ચ કર્યો હતો. ફેસબુકના રિપોર્ટ પ્રમાણે સૌથી વધુ બગ રિપોર્ટ ભારતમાંથી હતા. જેનું પ્રમાણ 136 બગનું હતું. જે માટે લગભગ 1353 ડોલરનો પુરસ્કાર આપવામાં આવ્યો હતો. અમેરિકાના લોકોએ ગત વર્ષે 92 બગ રિપોર્ટ નોંધાવ્યા હતા. જેની અવેજીમાં તેમને 2272 ડોલરનું ઈનામ આપવામાં આવ્યું હતું.
MP
Reader's Feedback: