એક મજાક કેટલી ભારે પડી શકે છે તે નેધરલેન્ડની એક કિશોરીને માત્ર 12 કલાકમાં જ ખબર પડી ગઈ હતી. તેણે અલકાયદાના નકલી સભ્ય બનીને ટ્વિટ કર્યું હતું. જેના કારણે તેની ધરપકડ કરીને જેલમાં મોકલી દેવામાં આવી હતી.
સારા નામની 14 વર્ષીય કિશોરી હોલેન્ડના રોંટરડમમાં રહે છે. રમત-રમતમાં તેણે એક ટ્વિટ કર્યું હતું. જેમાં તેણીએ પોતાનું નામ બદલીને અમેરિકન એરલાઈન્સને ઉડાવી દેવાની ધમકી આપી હતી. તેના આ ટ્વિટ બાદ જાણે કે તોફાન મચી ગયું. આ પર લોકો જોરદાર પ્રતિક્રિયા આપવા લાગ્યા. તેણે લખ્યું હતું કે, @અમેરિકનએર હલો, મારું નામ ઈબ્રાહિમ છે અને હું અફઘાનિસ્તાનમાં છું. હું અલકાયદાનો સભ્ય છું અને પહેલી જૂનના રોજ હું કઈંક નવીન કરવા જઈ રહ્યો છું. બાય.
આ ટ્વિટના જવાબમાં તેને ધૃણા, આલોચના અને ક્રોધ ભરેલા હજારો જવાબ મળ્યા હતા. આ ટ્વીટ ગણતરીની મીનીટોમાં જ વાયરલ થઈ ગયા હતા. જેને 10,000 વખત રિટ્વીટ કરવામાં આવ્યું હતું. અમેરિકન એરલાઈન્સે તેણે જવાબી કાર્ચવાહી કરવાની ચેતવણી આપી હતી. એરલાઈન્સે જણાવ્યું હતું કે અમે ધમકીઓને ગંભીરતાથી લઈ રહ્યા છીએ અને અમે તારું ટ્વિટ એફબીઆઈ પાસે મોકલી આપ્યું છે. અમે તારૂં આઈપી એડ્રેસ શોધી કાઢ્યું છે અને હવે અમે તારી વિરુદ્ધ કાર્ચવાહી કરીશું.
આ વાંચીને સારા ગભરાઈ ગઈ હતી અને માફી માંગી લીધી હતી. તે કહેવા લાગી કે તે એક બાળકી છે અને અજાણતાં જ ભૂલ કરી બેઠી છે. જોકે, અમેરિકન એરલાઈન્સે આ ટ્વિટ દૂર કરી દીધું હતું તેમ છતાં તેના સ્ક્રીન શોટ્સ આજે પણ નેટ પર જોવા મળે છે.
MP
Reader's Feedback: