લોકસભાની ચૂંટણીના દિવસે સુરત શહેર અને જિલ્લાના ૪૦૦ જેટલા મતદાન મથકો પર ચૂંટણી વિભાગ દ્વારા સીસીટીવી કેમેરા મુકાશે અને ખાસ ઉભા કરાયેલા કંટ્રોલરૃમમાં મતદાન વખતની તમામ ગતિવિધિ હાજર સક્ષણ અધિકારી નિહાળી કશુંક અઘટિત લાગતું હશે તો તુરંત કાર્યવાહી કરવાના આદેશો આપશે.

આ લોકસભાની ચૂંટણીમાં જેમ ઉમેદવારો હાઇટેક પ્રચાર કરી રહ્યાં છે, તેમ ચૂંટણીતંત્ર પર હાઇટેક બન્યું છે. સુરત જિલ્લામાં ત્રણ લોકસભા બેઠક સુરત, નવસારી અને બારડોલીનો સમાવેશ થાય છે અને આ ત્રણેય બેઠક મળી કુલ ૩૮૯૪ મતદાન મથકો છે અને ચૂંટણીપંચના આદેશ મુજબ સરેરાશ ૧૦ ટકા મતદાન મથકો પર સીસીટીવી કેમેરા ગોઠવવાના રહેશે.

સુરત જિલ્લા ચૂંટણી અધિકારી દ્વારા સુરત જિલ્લામાં અંદાજે ૪૦૦ જેટલા મતદાન મથકો પર સીસીટીવી કેમેરા ગોઠવવાનું આયોજન હાથ ધરાયું છે અને આ કેમેરાની કનેકટીવીટી ચૂંટણી અધિકારી દ્વારા ખાસ ઉભા કરાયેલા કંટ્રોલરૃમમાં ્અપાશે અને આ કંટ્રોલરૃમમાં મામલતદાર કક્ષાના અધિકારીને ફરજ સોંપાશે તેમજ ચૂંટણીનાં દિવસે મતદાન મથકમાં મોક પોલ રાઉન્ડ શરૂ થાય ત્યાંથી લઇને છેક મતદાન મથક બંધ કરાય ત્યાં સુધીનું મતદાન મથકનું લાઇવ કવરેજ નિહાળતા રહેશે અને મતદાન દરમ્યાન કશુંક અઘટિત હિલચાલ ખબર પડશે તો તુરંત જ સક્ષમ અધિકારીને કાર્યવાહી કરવાના આદેશો આપશે. ટુંકમાં લોકસભાની ચૂંટણીના દિવસે મતદાન વખતે ઉમેદવારોના એજન્ટો, પોલીંગ સ્ટાફ, મતદાન કરવા આવનારા મતદારો, હાજર પોલીસ સ્ટાફ પર સતત સીસીટીવી કેમેરાની નજર ફરતી રહેશે.

CP/DP