જામનગર મહાનગરપાલિકા દ્વારા શહેરમાં આરોગ્ય વિષયક ચેકીગ હાથ ધરાયું હતું. તેમજ કાર્બાઇડથી કેરી પકવતા ગોડાઉનોમાં ચેકીગ હાથ ધરવામાં આવેલ જેમાંથી કાર્બાઇડનો જથ્થો જપ્ત કરવામાં આવ્યો છે. કાર્બાઇના જથ્થો જપ્ત કરાયો તેમાં બશીરભાઇ કેરી ગોડાઉન (સુભાષ માર્કેટ) પાસેથી ૧પ૦ પેકેટ, ઇકબાલ મામદ બાજરીયા પાસેથી ૭૦ પેકેટ, સાજીદભાઇ કેરીવાળા પાસેથી ૧૪૦ પેકેટ, અલીભાઇ ફ્રૂટવાળા પાસેથી ૩૦ પેકેટ, હારૂણભાઇ ફ્રૂટવાળા પાસેથી ૧૦ પેકેટ, હુશેનભાઇ ફ્રૂટવાળા પાસેથી પ૦ પેકેટ, હુશેનભાઇ લાલપરીયા પાસેથી પ૦ પેકેટ, યુસુફ કેરીવાળા પાસેથી પ૦ પેકેટ, ઇકબાલભાઇ હારૂણભાઇ ફ્રૂટવાળા પાસેથી ૬૦ પેકેટ, યુસુફ ઉમરભાઇ ફ્રૂટવાળા પાસેથી ૩૦૦ પેકેટ મળી આવ્યા છે.તેમજ શહેરમાં આવેલ તમામ આઇસ ફેકટરીઓમાં સુપર કલોરીનેશન જળવાઇ તેવા હેતુથી રજીસ્ટર નીભાવવા નોટિસો પાઠવી તાકીદ કરેલ છે.

શહેરમાં આવેલ તમામ આઇસ્ક્રીમ ઉત્પાદકો તેમજ આઇસ કેન્ડીના ઉત્પાદકોને ગરમીની સિઝનને ધ્યાને લઇ ડાયરેકટ દુધમાં માવાનો ઉપયોગ ટાળવા સુચનાઓ આપેલ છે તેમજ માવાનું વેચાણ કરતા વિક્રેતાઓને માવો ફેશ સ્ટોકમાં રાખવા તેમજ જરૂરી માત્રામાં મંગાવવા તેમજ ગ્રાહકોને માવાનો ઉપયોગ ડાયરેકટ દુધમાં ન કરવા નોટિસો પાઠવી તાકીદ કરવામાં આવેલ છે તેમજ ૪પ૦ કીલો જેટલા સડેલા-બગડેલા ફુટના નાશ કરાયા હતાં. આ ઉપરાંત રણજીત રોડ ઉપરથી તારીખ કે લેબલ વગરના સરબતનાં પેપ્સી પેક પાઉચો મળી આવતા કુલ પ૦૦૦ નંગનો ડમ્પીંગ સાઇડ ઉપર નાશ કરવામાં આવેલ તથા આવા પેપ્સી પાઉચો ન રાખવા નોટિસ પાઠવી તાકીદ કરવામાં આવેલ છે.

શહેરની જુદી-જુદી શાકમાર્કેટો જેવી કે સુભાષ શાકમાર્કેટ, રણજીતનગર શાક માર્કેટ, ખોડીયાર કોલોની, કડીયાવાડ શાક માર્કેટમાં ઇન્સ્પેકશન કરી કુલ ૩૭૦ કી.ગ્રા. સડેલા/કાપેલા ફુટ શાકભાજીનો નાશ કરેલ તથા પ૨૦૦ નંગ રીસાયકલ પ્લાસ્ટીક ઝબલા જપ્ત કરવામાં આવેલ છે. શહેરમાં આવેલ જુદી-જુદી હોટલો, રેસ્ટોરન્ટો, ફાસ્ટફુડની પેઢીઓમાં ઇન્સ્પેકશન કરી આરોગ્યના ઉચ્ચતમ ધોરણો જળવાઇ તેવા હેતુથી સફાઇ, સ્વચ્છતા, પાણીની ઓવર હેડ ટેંકની સફાઇ વગેરેની સુચના અપાઇ છે.

DP