નવી દિલ્હી : બેફામ ભાષાનો ઉપયોગ ન કરવા અંગે કોંગ્રેસે આપેલી સલાહને અવગણીને કોંગ્રેસી નેતા અને કેન્દ્રીય મંત્રી બેનીપ્રસાદ વર્માએ સમાજવાદી પાર્ટીના પ્રમુખ મુલાયમસિંહ યાદવ પર ફરીથી નિશાન તાક્યુ છે. તેઓએ મુલાયમસિંહ પર આરોપ લગાવ્યો હતો. બેનીપ્રસાદે આરોપ મુકતા કહ્યુ કે મુલાયમસિંહ યાદવને રેતી માફીયાઓ સાથે સાંઠગાંઠ છે. જેના કારણે જ નોઈડાના આઈએએસ અધિકારી દુર્ગાશક્તિ નાગપાલને સસ્પેન્ડ કરવામાં આવ્યા છે.

વર્માએ આઈએએસ અધિકારી દુર્ગાશક્તિની બરતરફી રદ કરવાની માંગ કરી હતી. તેમણે દાવો કર્યો હતો કે દુર્ગાને કોઈ ધાર્મિક સ્થળની દીવાલ તૂટવાના કારણે સસ્પેન્ડ કરવામાં નથી આવ્યા.

બેનીપ્રસાદે પત્રકારોને જણાવ્યુ હતુ કે આ સૉબરતરફી સપા સુપ્રીમો મુલાયમસિંહના આદેશ પર કરવામાં આવી અ ઉત્તરપ્રદેશના મુખ્યમંત્રી અખિલેશ યાદવને તો આ આદેશ અંગે જાણ પણ નહોતી. અખિલેશ સારો છોકરો છે. તેના પિતાએ અખિલેશની કારકિર્દી બરબાદ ન કરવી જોઈએ. કેમકે તે હજુ તાલિમી અવસ્થામાં છે.

રેતી માફીયાઓ વિરુદ્ધ દુર્ગાએ અભિયાન શરૂ કર્યુ હતુ પણ મુલાયમે માફીયાઓ સાથેની પોતાની સાંઠગાંઠ હોવાથી મહિલા આઈએએસ અધિકારીને મુલાયમસિંહના ઈશારે સસ્પેન્ડ કરવામાં આવ્યા.

JD/DT