Home» Education» International Education» Three colleges closed in australia

ઓસ્ટ્રેલિયામાં ત્રણ કોલેજો બંધ કરાશે

Agencies | October 04, 2012, 02:41 PM IST

મેલબર્ન :

ઓસ્ટ્રેલિયા ખાતે આવેલ ત્રણ વ્યવસાયિક કોલેજો બંધ કરવાનો નિર્ણય લેવામાં આવ્યો છે. આ નિર્ણય બાદ આ કોલેજમાં અભ્યાસ કરતાં ભારતીય વિદ્યાર્થીઓના વાલીઓમાં ચિંતાની લહેર જોવા મળી રહી છે. આ પહેલાં બ્રિટનમાં લંડન મેટ્રોપોલિટન યુનિવર્સિટીની બિન યુરોપીયન રાષ્ટ્રોના વિદ્યાર્થીઓને પ્રવેશ આપવાનું લાઇસન્સ રદ કરવામાં આવ્યું હતું. જેને કારણે ભારત સહિત અને બિનયુરોપીયન રાષ્ટ્રના વિદ્યાર્થીઓના ભવિષ્ય ઉપર જોખમ આવી ગયું હતું.

ઓસ્ટ્રેલિયામાં બંધ કરવામાં આવેલ શૈક્ષણિક સંસ્થાને કારણે ભારતના 500 કરતાં વધારે વિદ્યાર્થીઓમાં આની અસર જોવા મળશે. આ ત્રણ સંસ્થાઓ પર દેશના પ્રશિક્ષણ માપદંડો પ્રમાણે નહીં હોવાના કારણે બંધ કરવાનો હુકમ કરવામાં આવ્યો છે.

ઓસ્ટ્રેલિયામાં કોલેજો બંધ કરવાની જાહેરાતમાં વિકટોરિયા રાજ્યની બે અને ન્યૂ સાઉથ વેલ્સની એક સંસ્થાનો સમાવેશ થાય છે. મેલબોર્નમાં બંધ થઇ રહેલી કોલેજમાં 500થી વધુ તેમજ ન્યૂ સાઉથ વેલ્સમાં 30થી વધુ ભારતીય વિદ્યાર્થીઓ અભ્યાસ કરતાં હોવાનું જાણવા મળ્યું છે.

આ કોલેજો બંધ થવાથી ભારતમાંથી અભ્યાસ કરવા ગયેલા વિદ્યાર્થીઓના ભવિષ્ય પર ખતરો જોવા મળી રહ્યો છે. ઓસ્ટ્રેલિયામાં અભ્યાસ કરતાં વિદ્યાર્થીઓના કુટુંબીજનોમાં આ સમાચારને કારણે ભારે ચિંતા જોવા મળી છે. ઓસ્ટ્રેલિયન ઉચ્ચાયુક્તે વિશ્વાસ આપ્યો છે કે આ સંસ્થામાં અભ્યાસ કરતાં વિદ્યાર્થીઓનાં હિતનું રક્ષણ કરવામાં આવશે.

ઓસ્ટ્રેલિયન સ્કિલ્સ કવોલિટી ઓથોરિટીના મુખ્ય કમિશનર ક્રિસ રોબિન્સને જણાવ્યું હતુ કે કોઇપણ શૈક્ષણિક સંસ્થાના રજિસ્ટ્રેશન રદ કરવાનો નિર્ણય સરળતાથી લઇ શકાય તેમ નથી. તેમણે જણાવ્યું હતું કે સંબંધિત સંસ્થાઓ પાસે આ નિર્ણય પર ફરી વિચાર કરવાનો સમય આપ્યો છે. આ સમયે નિર્ણયને અમલમાં મૂકવામાં થોડીવાર પણ લાગી શકે તેમ છે અને નિર્ણયને બદલાવી પણ શકાય છે.

DT

Reader's Feedback:

blog comments powered by Disqus

Today Cartoon

GGN Voice
 
Radisson

Opinion Poll

 
અરવિંદ કેજરીવાલ વારાણસીમાં મોદી સામે જીતી શકશે ?
હાં. જીતી જશે 80.92 %
નાં. હારી જશે. 18.61 %
કહીં ન શકાય. 0.47 %