Home» Social Media » Tweeter Tweets» Soon book your flight via twitter

લ્યો બોલો, હવે ટ્વિટર પરથી ફ્લાઈટ બુકિંગ થઈ શકશે

એજન્સી | April 07, 2014, 05:22 PM IST

વોશિંગ્ટન :
હવે વેબસાઈટ કે ફોન પરથી ફ્લાઈટ ટિકિટ બુકિંગ કરાવવાના દિવસો પૂરા થઈ ચૂક્યા છે. ગ્રાહકોને સુવિધા આપવાની હરિફાઈમાં વિમાન કંપનીઓ સોશિયલ મીડિયાનો સહારો લઈ રહી છે. વોશિંગ્ટન પોસ્ટના અહેવાલ મુજબ સ્પ્રિંકલરના સીઈઓ રાગી થોમસે જણાવ્યું હતું કે, એક એક ગ્રાહક સાથે સંવાદ સાધવા માટે વિમાન કંપનીએ જે પ્રકારે ફોનનો ઉપયોગ કરી રહી છે તે રીતે તેઓ સોશિયલ મીડિયાનો પણ ઉપયોગ કરી રહી છે. તેમણે કહ્યું હતું કે, તેની ઉપયોગીતા અજોડ છે. છેલ્લાં કેટલાક વર્ષોથી વિમાન કંપનીઓએ ટ્વિટર, ફેસબુક, યુટ્યૂબ તથા ઈન્સ્ટાગ્રામ પર પોતાની હાજરી નોંધાવી છે.
 
ઈલિનોઈસની વિમાન કંપની યુનાઈટેડ એરલાઈન્સ તથા કેએલએમ ઉપરાંત નેધરલેન્ડની કંપની રોયલ ડચ એરલાઈન્સે 2009માં અનૌપચારિક રીતે સોશિયલ મીડિયાનો ઉપયોગ શરૂ કર્યો હતો. જેના એક-બે વર્ષ બાદ ઘણી કંપનીઓએ ઔપચારિક રીતે સોશિયલ મીડિયાનો ઉપયોગ શરૂ કર્યો હતો.
 
વર્તમાનમાં નેધરલેન્ડની કંપની માટે 135 સોશિયલ મીડિયા એજન્ટ કામ કરી રહ્યા છે. જે દિવસના 24 કલાક ઉપલબ્ધ હોવાની સાથે 10 ભાષામાં નિપુણ છે. એટલાન્ટાની કંપની ડેલ્ટા એરલાઈન્સે 2006માં ટ્વિટર પર એટ ધ રેટ ઓફ ડેલ્ટાઆસિસ્ટંટ લોન્ચ કરી હતી.
 
દુબઈની કંપની એમીરેટ્સ એરલાઈન્સે આ વર્ષે 25 માર્ચે પોતાનું ટ્વિટર હેંડલ લોન્ચ કર્યું હતું અને પ્લેનેટ ટ્વિટર પર પ્રથમ સપ્તાહમાં 17 ટ્વિટ મોકલ્યા હતા. એરલાઈન ટ્રેન્ડસ ડોટ કોમના સ્થાપક રેમંડ કોલ્લૌએ જણાવ્યું હતું કે સોશિયલ મીડિયા અપનાવવામાં વિમાન ઉદ્યોગ ખૂબ ઝડપથી આગળ વધી રહ્યો છે.
 
MP

Reader's Feedback:

blog comments powered by Disqus

Today Cartoon

GGN Voice
 
Radisson

Opinion Poll

 
અરવિંદ કેજરીવાલ વારાણસીમાં મોદી સામે જીતી શકશે ?
હાં. જીતી જશે 80.92 %
નાં. હારી જશે. 18.61 %
કહીં ન શકાય. 0.47 %