snake at gondal shiv temple | ગોંડલના શિવાલયમાં નાગદેવતા પધાર્યાં

ગોંડલના શિવાલયમાં નાગદેવતા પધાર્યાં

જીજીએન ટીમ દ્વારા | August 08, 2013, 11:07 AM IST

ગોંડલ : ગઈકાલથી જ પવિત્ર શ્રાવણ મહિ‌નાનો પ્રારંભ થયો છે. શિવભકતો દેવાધિદેવની આરાધનામાં લીન થયા છે. ત્યારે ગોંડલ શહેરમાં આવેલા વિશ્વેશ્વર મહાદેવ મંદિરમાં શિવલિંગની બાજુમાં નાગદેવતાએ ખાસ્સો સમય આસનગ્રહણ કરતા શિવભકતોમાં કુતુહલ ફેલાઇ ગયું છે.

વિશ્વેશ્વર મહાદેવ મંદિરમાં શિવલિંગ પાસે નાગદેવતાએ સ્થાન જમાવ્યું હોવાની વાત વાયુવેગે શહેરભરમાં ફેલાઇ જતાં ભાવિકોનાં ટોળા એકઠા થઇ ગયા હતા. પોણા સાત વાગ્યે આરતી શરૂ થતાં જ શિવલિંગ પાસે રાખેલા પાટલા પર નાના એવા નાગદેવતા પ્રગટ થયા હતા.

શિવલિંગ પાસે ઓચિંતા નાગદેવતાને જોતાં પહેલાં તો પૂજારી ગભરાઇ ગયા હતા. પરંતુ ત્યારબાદ આ મહાદેવનો જ ચમત્કાર હોવાનું જાણી આરતી પૂરી કરી હતી. આ સમયે મંદિરમાં દર્શન કરવા આવેલા લોકોએ પણ શ્રાવણ મહિ‌નાનાં પ્રથમ દિવસે મહાદેવનાં ચમત્કારને નમસ્કાર કર્યા હતા. પહેલા જ દિવસે મંદિરમાં આવા દ્રશ્યો સર્જા‍તા ભાવિકોની આસ્થામાં વધારો થયો છે.

KP