ધાર્મિક ગુરુ અને તિબેટના આધ્યાત્મિક નેતા દલાઈ લામાનું કહેવું છે કે ભારત તથા ચીન વચ્ચેની દુશ્મનાવટ એશિયા કે તિબેટવાસીઓ માટે સારી વાત નથી. દલાઈ લામાની ચીન સામેની લડત જાણીતી છે. લામાની તિબેટની આઝાદી માટે લડત ચાવી રહ્યા છે અને ચીન તિબેટને તેના હાથમાંથી જવા દેવા માગતું ન હોવાથી વારંવાર આ બંને વચ્ચે ઘર્ષણ થતું જ રહે છે.
અમેરિકાના બે સપ્તાહના પ્રવાસે ગયેલા દલાઈ લામાએ કહ્યું હતું કે ભારત અને ચીનના આર્થિક વિકાસ માટે પરસ્પર વિશ્વાસ હોવાની સાથે એકમેક પ્રત્યે સારો સંબંધ રાખવો જરૂરી છે. તેમણે ટાઈમ મેગેઝીન સાથેની વાતચીતમાં આમ કહ્યું હતું.
જ્યારે તેમને પૂછવામાં આવ્યું કે ભારત-ચીન વચ્ચે દુશ્મનાવટ એશિયા તથા તિબેટવાસીઓ માટે સારી વાત છે ત્યારે દલાઈ લામાએ તેનો ઉત્તર આપતાં જણાવ્યું હતું કે, બિલકુ નહીં. ચીનના નવા રાષ્ટ્રપતિ શી ચિનફિંગ અંગે તેણે જણાવ્યું હતું કે, તે ભ્રષ્ટાચારનો મુકાબલો સાહસ અને નિડરતાથી કરી રહ્યા છે. જોકે દલાઈ લામાએ ચીની સમાજ પર લાદવામાં આવેલા અમુક નિયંત્રણોને લઈને રાષ્ટ્રપતિની આલોચના કરી હતી.
MP
Reader's Feedback: