નવી દિલ્હી : સચિનના બાળપણના મિત્ર અને ભૂતપૂર્વ સાથી ખેલાડી વિનોદ કાંબલીએ સચિન વિષે વધુ એકવાર દુઃખદ નિવેદન કરી તેના ચાહકોને ઠેસ પહોંચાડી છે.

સચિને હાલમાં જાહેરાત કરી હતી કે તે નવેમ્બરમાં યોજાનારી વેસ્ટ ઇન્ડીઝ સામેની ટેસ્ટ શ્રેણી બાદ નિવૃત્તિ જાહેર કરશે. સચિનને ક્રિકેટ ક્ષેત્રે સંકળાયેલા લોકો પોત પોતાની રીતે ક્રિકેટમાં યોગદાન આપવા બદલ અભિનંદન આપી રહ્યા છે ત્યારે તેના બાળપણના મિત્ર કાંબલીએ આશ્ચર્યજનક નિવેદન આપી એક નવો વિવાદ સર્જયો છે.

કાંબલીએ સચિનની નિવૃત્તિ અંગે જણાવ્યું કે માસ્ટર બ્લાસ્ટરે નિવૃત્તિની જાહેરાતમાં ઘણું મોડુ કરી નાંખ્યું છે. તેણે આ નિવૃત્તિ 2011ના વર્લ્ડકપના વિજય બાદ તુરંત કરી દેવી જોઇતી હતી. કારણ કે આપણે આજે જે સચિનને જોઇ રહ્યાં છીએ તે પહેલા જેવા હવે નથી. તેનું વર્લ્ડકપ જીતવાનું સપનું સાકાર થતાં નિવૃત્તિ જાહેર કરવાનો સારો અવસર હતો. જો કે આવું થયું નહી. તેની નિવૃત્તિની જાહેરાતથી અનેક લોકો ભાવુક થઇ ગયા છે. પણ આ એક સાચો નિર્ણય હતો. અંતિમ બે ટેસ્ટ માટે તેના માટે ખુબ આદરભાવ રહેશે.હું આશા રાખું છું કે સચિન અંતિમ બે ટેસ્ટમાં સારુ પ્રદર્શન કરે.

KT/DT