સચિન તેંડુલકરના બાળપળના મિત્ર અને પૂર્વ ક્રિકેટર વિનોદ કાંબલીએ ફરી વાર લગ્ન કર્યા છે. પરંતુ તમને ખબર છે કે તેની દુલ્હન કોણ છે. જો કે તમે વધુ કંઈ વિચારો તે પહેલાં જણાવી દઈએ કે તેની દુલ્હન બીજું કોઈ નહીં પરંતુ તેની પત્ની એન્ડ્રિયા હેવિટ જ બની છે.
આ બંને ઘણા વર્ષો પહેલા કોર્ટ મેરેજ કરી ચૂક્યા છે અને તેમને એક પુત્ર પણ છે. પરંતુ બંનેએ બાંદ્રાના સેંટ પીટર્સ ચર્ચમાં પારંપારિક રીતથી કેથોલિક વિવાહ કર્યા હતા. લગ્નમાં વિનોદ અને અંડિયાના નજીકના પરિવારજનો હાજર રહ્યા હતા. બોલીવૂડ અભિનેતા આશુતોષ રાણા અને તેની પત્ની રેણુકા શહાણેએ પણ હાજરી આપી હતી. કાંબલીએ જણાવ્યું હતું કે, આશુતોષ અને રેણુકા અમારા પરિવારની જેમ છે.
ફરીથી લગ્ન કરવા અંગે જ્યારે કાંબલીને પૂછવામાં આવ્યું ત્યારે તેણે જણાવ્યું હતું કે, ઈશ્વર પ્રત્યેની શ્રદ્ધાના કારણે આમ કર્યું છે. ઉલ્લેખનીય છે કે ગત વર્ષે નવેમ્બરમાં હૃદયરોગનો હુમલો આવ્યા બાદ તેમાંથી સાજા થઈને કાંબલી ધાર્મિકતા તરફ વધુ પડતો વળી ગયો છે.
MP
Reader's Feedback: