આ વર્ષ નોકરીઓની દૃષ્ટિએ ઉત્તમ રહેશે તેમ માનવામાં આવી રહ્યું છે. પહેલા બેંકોએ નોકરીના દ્વારા ખોલ્યા અને પછી રેલવેએ સવા લાખ નોકરી આપવાની જાહેરાત કરી હતી. પરંતુ હવે ચાર એવી કંપનીઓ સામે આવી છે જે મોટા પ્રમાણમાં નોકરી આપશે.
એર્નેસ્ટ એન્ડ યંગ, કેપીએમજી, પીડબલ્યુસી, ડેલોઈટ એમ ખાનગી ક્ષેત્રની ચાર કંપની આગામી ચાર વર્ષમાં 43,000થી વધુ લોકોને રોજગાર આપશે. ટાયર 2 અને 3 શહેરોમાં વધેલો વેપાર, ટેલીકોમ ઈન્ડસ્ટ્રીઝનો થઈ રહેલો વિકાસ, વેગવંતી બનેલી ઈન્ફ્રાસ્ટ્રકચર યોજનાઓના કારણે આ શક્ય બનશે.
જેમાં ગ્રેજ્યુએટ, એન્જિનિયર, સીએ તથા એમબીએને સૌથી વધુ ફાયદો થશે. 60થી 89 ટકા નોકરીઓ આ લોકોને જ મળશે. આ લોકોને રૂ. 3 લાખથી લઈને રૂ.11 લાખ સુધીનો વાર્ષિક પગાર મળશે. આ કંપનીઓ ઉપરાંત તેની પાર્ટનર કંપનીઓ પણ મોટા પ્રમાણમાં રોજગાર આપી શકે છે.
આ ચાર કંપનીઓ પૈકી કેપીએમજી સૌથી નાની કંપની છે. જેની પાસે 8000 કર્મચારીઓ છે. પરંતુ આ કંપનીની આગામી ચાર વર્ષમાં 9000 કર્મચારીઓની ભરતી કરવાની યોજના છે. હાલમાં 18,000 કર્મચારીનો સ્ટાફ ધરાવતી અર્નેસ્ટ એન્ડ યંગ સૌથી વધુ નોકરી આપશે. જે આવતા ચાર વર્ષમાં 22,000થી 25,000 લોકોને રોજગાર આપવાનો ઈરાદો ધરાવે છે.
MP
Reader's Feedback: