Home» Entertainment» Bollywood» You know gujarati film actress

ઓળખો, આ અભિનેત્રી કોણ છે....?

જીજીએન ટીમ દ્વારા | February 01, 2013, 07:18 PM IST

અમદાવાદ : આજે બોલિવુડમાં દિપીકા અને રણબીર કપુર કે એક સમયે શાહરૂખ-કાજોલ કે પછી સલમાન અને સોનાક્ષી સિન્હાની જોડી પ્રેક્ષકોને ગમે છે તેમ એક સમયે ગુજરાતી ફિલ્મોમાં દર્શકોમાં ઉપેન્દ્ર ત્રિવેદી અને સ્નેહલતાની જોડી સૌથી વધુ હીટ ગણાતી હતી. સમયની થપાટોને કારણે માનવીનો ચહેરો યુવાનીમાંથી વૃદ્ધત્વમાં કેવો થઇ જાય છે તેનો એક જીવતો જાગતો દાખલો સ્નેહલતાનો છે !

ગુજરાતી ફિલ્મોમાં ડંકો વગાડનાર સ્નેહલતા એક સમયે દર્શકોના દિલમાં રાજ કરતી હતી. ઉપેન્દ્ર ત્રિવેદી અને સ્નેહલતાની ફિલ્મો સિનેમાબારી ઉપર સફળ ગણાતી હતી. ગુજરાતી ફિલ્મોનો યુગ આથમતાં આ જોડી પણ ભુલાઇ ગઈ હતી. તાજેતરમાં સ્નેહલતા તેમના ફેમીલી ફ્રેન્ડ ભવાનીસિંહ મોરીના પુત્ર અવતારસિંહના લગ્ન પ્રસંગે ગુજરાતના સુરેન્દ્રનગર જિલ્લાના વઢવાણ ખાતે હાજરી આપી ત્યારે કોઈ તેમને ઓળખી શક્યા નહોતાં કે આ એ જ ફિલ્મ અભિનેત્રી સ્નેહલતા છે. તેઓ તેમનાં પુત્રી ઇન્દિરા સાથે આવ્યાં હતાં. તેમના પુત્રી વ્યવસાયે ડોકટર છે અને મુંબઇના વર્સોવામાં પ્રેકટીશ કરે છે.

પ્રાપ્ત માહિતી અનુસાર સ્નેહલતાએ આ લગ્ન પ્રસંગે એવી લાગણી વ્યકત કરી કે હવે ગ્લેમરનો કોઇ મોહ નથી. હું બાંદરા વિસ્તારમાં મારા પરિવાર સાથે રહું છું. કોઇ પાર્ટી કે કોઇ ફંકશનમાં જતી નથી. પારિવારિક જીવન મને ફાવી ગયું છે. મારી પુત્રી ઇન્દિરાને પણ ફિલ્મ લાઇનમાં કોઇ રસ નથી અને અમારા પરિવારમાંથી કોઇ ફિલ્મ લાઇનમાં આવે તેવી કોઈ શક્યતા નથી.

સમયની સાથે માનવીનો ચહેરો કેવો બદલાઇ જાય છે તેનો એક બીજો દાખલો બોલિવુડના પ્રથમ સુપર સ્ટાર રાજેશ ખન્નાનો છે. યુવાન વયનો ફોટો અને તાજેતરમાં તેમનું નિધન થયું ત્યારનો ફોટો જોઇએ તો જમીન આસમાનનો તફાવત જણાય છે. ગુજરાતી ફિલ્મોનો યુગ આથમ્યાં બાદ ઉપેન્દ્ર ત્રિવેદી, અરવિંદ ત્રિવેદી, સ્નેહલતા, રાગીણી, અરવિંદ પંડયા વગેરે વિસરાતા સુર બની ગયાં છે.

PG/DT

Reader's Feedback:

blog comments powered by Disqus

Today Cartoon

GGN Voice
 
Radisson

Opinion Poll

 
અરવિંદ કેજરીવાલ વારાણસીમાં મોદી સામે જીતી શકશે ?
હાં. જીતી જશે 79.91 %
નાં. હારી જશે. 19.44 %
કહીં ન શકાય. 0.65 %