પાછલા કેટલાક સમયથી ફ્લોપ ફિલ્મો આપ્યા બાદ રામ ગોપાલ વર્મા હાલના દિવસોમાં કઈંક નવીન કરવાનો પ્લાન કરી રહ્યા છે. વાત એમ છે કે રામુ ગ્લેમર ઈન્ડસ્ટ્રીમાં પોતાની સિલ્વર જયુબલીનો જશ્ન કઈંક અલગ રીતે મનાવવામાં લાગ્યા છે. આ કારણે તેઓ તેમના પ્રશંસકોને એક-બે નહીં પરંતુ ડઝન ફિલ્મોની ભેટ આપશે.
તેમની પ્રોડકશન કંપની સાથે સંકળાયેલા સૂત્રોની વાત માનીએ તો આમાંથી મોટાભાગની ફિલ્મો હિન્દીની સાથો સાથ તમિલ તથા તેલુગુમાં બનાવવામાં આવશે. છેલ્લાં ઘણા સમયથી રામૂએ પોતાની ફિલ્મો હિન્દી ઉપરાંત સાઉથની અન્ય ભાષાઓમાં પણ બનાવી રહ્યા છે. આ ફિલ્મો બોલિવૂડમાં નિષ્ફળ રહી છે, પરંતુ સાઉથમાં જોરદાર દેખાવ કર્યો છે.
રામુએ જણાવ્યું હતું કે, મારી આ તમામ ફિલ્મોનું બજેટ ઓછું છે અને આ વખતે મેં ઈન્ડસ્ટ્રીના ટોપ સ્ટારનો મોહ છોડીને ઘણા નવા સ્ટાર્સ સાથે બાર ફિલ્મો બનાવી રહ્યો છું. આ ફિલ્મોના સપોર્ટિંગ કાસ્ટમાં કેટલાક જાણીતા નામો પણ હશે. હાલમાં રામુ એક-દોઢ મહિનાથી ફિલ્મ પૂરી કરવામાં લાગ્યું છે.
રામુનો પ્લાનિંગ છે કે જો તેમને એન્ટરટેઈનમેન્ટ ટેક્સ ડિપાર્ટમેન્ટનો સહયોગ મળશે તો તે એક ટિકિટમાં બે ત્રણ ફિલ્મ બતાવવા માગે છે.
MP
Reader's Feedback: