બ્રિટનમાં પ્રકૃતિનો કહેર હવે તોફાનના રૂપે જનજીવન અસ્તવ્યસ્ત કરી રહ્યો છે. પૂરના કારણે છેલ્લા 60 વર્ષોમાં સૌથી ઊંચા સ્તરે વહી રહેલી ટેમ્સ નદીએ લોકોનું જીવન મુશ્કેલ બનાવી દીધું છે. લોકોના ઘરમાં પાણી ઘૂસી ગયા છે અને હજુ પણ પૂરનું સંકટ માથે તોળાઈ રહ્યું છે તેવામાં ત્યાં જ 100 કિલોમીટર પ્રતિ કલાકની ઝડપે ફૂંકાતા પવનથી સમગ્ર જીવન ખોરંભે ચડી ગયું છે તથા વીજળી પણ ગુલ થઈ જતા લોકો મહા મુસીબતમાં મુકાઈ ગયા છે.
સત્તાવાર માહિતી પ્રમાણે તોફોનના કારણે એક વ્યક્તિનું મોત થયું છે અને 50,000થી વધુ ઘરોમાં વીજળી નહીં હોવાના કારણે અંધારપટ છવાઈ ગયો છે. તોફનના પગલે ફૂટબોલ મેચ પણ સ્થગિત કરી દેવામાં આવી છે.
તોફાનના કારણે વીજળીના થાંભલા સડકો પર પડી જતા ઠેરઠેર ટ્રાફિકજામના દૃશ્યો સર્જાયા છે. તોફાનના કારણે સડક પર તૂટીને પડી ગયેલા વૃક્ષને હટાવતી વખતે તેના તારમાંથી કરંટ નીકળતા ઝાડના સંપર્કમાં રહેલા વ્યક્તિનું મોત થયું હતું.
MP
Reader's Feedback: