ભારતના ફુટબોલ ટીમના સુકાની સુનીલ છેત્રીના રેકોર્ડ ગોલની મદદથી આંતરરાષ્ટ્રીય ફુટબોલ મૈત્રી મેચમાં ભારતે નેપાળને 2-0થી પરાજય આપ્યો હતો. આ સાથે જ છૈત્રી ભારત તરફથી સૌથી વધુ ગોલ કરનાર ખેલાડી બની ગયો હતો. તેણે આ મેચમાં ગોલ કરી ટીમ ઇન્ડીયાના પૂર્વ સુકાની બાઇચૂંગ ભૂટિયાએ કરેલા આંતરરાષ્ટ્રીય મેચમાં કરેલ 42 ગોલનો રેકોર્ડ પોતાના નામે કરી લીધો હતો.
કંચનજંઘા મેદાનમાં રમાયેલ મેચમાં ભારત તરફથી બીજો ગોલ 49મી મીનીટમાં કિલફોર્ડ મિરાંડાએ કર્યો હતો. ભારતે આ મેચ જીતીને સૈફ ચેમ્પિયનશીપમાં 2-1થી મળેલી હારનો બદલો પણ લઇ લીધો હતો. આ વિમ કોવરમેન્સના કોચ હેઠળની પહેલી આંતરરાષ્ટ્રીય મૈત્રી મેચની જીત હતી. આ અગાઉ ભારત ફલસ્તીન સામે 2-4 થી જ્યારે તાજિકિસ્તાન સામે 0-3થી હારી ગયુ હતું. જ્યારે 16 નવેમ્બરે રમાયેલ ફિલીપાઇન્સ સામેની મેચ 1-1 થી બરાબર રહી હતી. ભૂટિયા પણ આ મેચ જોવા આવ્યો હતો.
DT/MS
Reader's Feedback: