બ્રાઝીલ :
ફૂટબોલની વૈશ્વિક સંસ્થા ફીફાના મહાસચિવ જેરોમ વાલ્કેએ કહ્યું હતું કે, રિયોમાં થયેલી હિંસાના કારણે ફૂટબોલ વિશ્વ કપના આયોજન પર કોઈ ખતરો નથી. રિયોમાં સાત મેચ રમાનારી છે. જેમાં 13 જુલાઈના રોજ રમાનારી ફાઈનલનો પણ સમાવેશ થાય છે.
રિયોમાં થયેલી હિંસાના કારણે આ વિસ્તાર યુદ્ધ મેદાનમાં ફેરવાઈ ગયો હતો. કોપાકાબના બીચથી થોડે દૂર આવેલી ઝૂપડપટ્ટીમાં રહેતા લોકો અને પોલીસ વચ્ચે હિંસક અથડામણ થઈ હતી. જેમાં એક ડાંસરનું મોત થયું હતું. તેના પરિવારજનોએ આક્ષેપ મૂક્યો હતો કે, પોલીસે કરેલા ગોળીબારમાં તેનું મોત થયું છે.
ફીફાના સચિવ વાલ્કેએ કહ્યું હતું કે, આ દુઃખદ ઘટના છે. મને ઘણા સંદેશા મળ્યા છે. વાલ્કેએ બ્રાઝીલમાં વિશ્વ કપ સ્ટેડિયમનું નિરીક્ષમ કર્યું હતું અને જાહેરાત કરી હતી કે વિશ્વ કપ દરમિયાન 12 વર્લ્ડ કપ ફેન ફીસ્ટ્સ હશે. ફીફાએ 2006માં જર્મનીના થયેલા વિશ્વકપ દરમિયાન આ મહોત્સવની શરૂઆત કરી હતી. જે લોકો ટિકિટ મેળવી શકતા નથી તેમના માટે સ્ટ્રીટ પાર્ટીનું આયોજન કરવામાં આવે છે.
2010માં દક્ષિણ આફ્રિકામાં આનું આયોજન કરવામાં આવ્યું હતું. ગત વર્ષે બ્રાઝીલમાં કન્ફેડરેશંસ કપ દરમિયાન ઘણા સ્થળોએ વિરોધ પ્રદર્શન કરવામાં આવ્યા હતા. કેટલાક અધિકારીઓને લાગે છે કે વિશ્વ કપની સ્ટ્રીટ પાર્ટી દરમિયાન આ વખતે વિરોદ પ્રદર્શનનો સામનો કરવો નહીં પડે.
MP
Reader's Feedback: