નવી દિલ્હી :
બેંકમાં સરકારી નોકરીનું સપનું જોતા યુવાઓ માટે ખુશખબરી છે. દેશી પ્રતિષ્ઠિત બેંક એસબીઆઈમાં ખાલી પડેલી જગ્યા માટે ભરતી કરવામાં આવનાર છે. ભારતીય સ્ટેટ બેંક (એસબીઆઈ)માં પ્રોબેશરની ઓફિસર (પીઓ)ની જગ્યા માટે 1837 વેકેન્સી છે. જેમાં 758 અનામત છે. એસબીઆઈની નોકરીને બેંકિંગ સેકટરમાં ખૂબ સારી અને શ્રેષ્ઠ માનવામાં આવે છે. જે ઉમેદવારોની પસંદગી થશે તેમને ભારતમાં ગમે તે જગ્યાએ નિમણૂક આપવામાં આવી શકે છે.
આ જગ્યા માટે અરજી કરનાર ઉમેદવારની લઘુત્તમ ઉંમર 21 વર્ષ તથા મહત્તમ ઉંમર 30 વર્ષ હોવી જોઈએ. એસસી-એસટી ઉમેદવારોને 5 વર્ષની છૂટ તથા ઓબીસીને 3 વર્ષની છૂટછાટ મળવા પાત્ર છે. વર્ષની ગણના 1 એપ્રિલ, 2014થી થશે. અરજદાર કોઈપણ શાખાનો સ્નાતક હોવો જોઈએ. પસંદગી પામેલા ઉમેદવારને રૂપિયા 14,500-25,700 પગાર મળવાપાત્ર છે.
આ માટે માત્ર ઓનલાઈન અરજી કરી શકાય છે. 24 એપ્રિલ, 2014ના રોજ રજિસ્ટ્રેશન બંધ થશે. એપ્લીકેશન ફી તરીકે જનરલ તથા ઓબીસી કેટેગરીના ઉમેદવારોએ 500 રૂપિયા તથા એસસી-એસટી વર્ગના ઉમેદવારોએ 100 રૂપિયા જમા કરાવવા પડશે. ફી જમા કરાવવાની અંતિમ તારીખ 25 એપ્રિલ, 2014 છે. ફી ઓનલાઈન અને ઓફલાઈન જમા કરાવી શકાય છે. ઓનલાઈન મોડમાં ડેબિટ કાર્ડ, ક્રેડિટ કાર્ડ તથા ઈન્ટનેટ બેંકિંગથી જમા કરાવી શકાય છે. જ્યારે ઓફલાઈન મોડ તરીકે એસબીઆઈમાં જઈને ચલણ જમા કરાવવું પડશે.
અરજી અંગેની વધુ માહિતી માટે એસબીઆઈની વેબસાઈટ http://www.sbi.co.in/user.htm પર લોગઈન કરવું.
MP
Reader's Feedback: