નવી દિલ્હી :
બેંકમાં ખાતું ધરાવનાર ખાતેદારો માટે આનંદના સમાચાર છે. ખૂબ ટૂંક સમયમાં બેંકોમાં મિનિમમ બેલેન્સ રાખવામાંથી મુક્તિ મળી જશે. રિઝર્વ બેંક ઓફ ઈન્ડિયા દ્વારા દેશભરની તમામ બેંકોને આ અનિવાર્યતા ખતમ કરવાનું કહેવામાં આવ્યું છે.
ઉલ્લેખનીય છે કે અત્યાર સુધી બેંક ખાતામાં એક નિશ્ચિત રકમ લઘુત્તમ ભંડોળ તરીકે રાખવી પડતી હતી. જો તેમ કરવામાં નિષ્ફળ જાવ તો બેંકોં દંડ લેતી હતી. રિઝર્વ બેંક દ્વારા તમામ બેંકોને કહેવામાં આવ્યું છે કે બચત ખાતામાં મિનિમમ બેલેન્સની જરૂરિયાત ખતમ કરી દે. જેનાથી ગ્રાહકોને ફાયદો થશે, કારણકે લઘુત્તમ બેલેન્સ ન રાખવામાં નિષ્ફળ જતાં ખાતેદારો પાસેથી બેંકો દંડ વસૂલતી હતી.
આ ઉપરાંત આરબીઆઈ દ્વારા બેંકોને એમ પણ જણાવવામાં આવ્યું છે કે, જો ફ્લોટિંગ રેટ ટર્મ લોનને સમય પહેલાં પરત કરી દેવામાં આવે તો કોઈપણ જાતની પેનલ્ટી ન લેવામાં આવે. આરબીઆઈના ગવર્નર રઘુરામ રાજન ઈચ્છે છે કે બેંક ગ્રાહકોના હિતની રક્ષા કરે. તે માટે તેમણે આ પ્રકારના પગલાં ભરવાનો વિનંતી કરી છે.
MP
Reader's Feedback: