માઈક્રોમેક્સ કેનવાસ 2 કલર્સ સ્માર્ટફોનનુમ વેચાણ શરૂ થઈ ગયું છે. ઓનલાઈન રીટેલર સ્નેપડીલ પર ઓ ફોનની કિંમત રૂ. 11,500 દર્શાવવામાં આવી રહી છે. પરંતુ 13 ટકા ડિસ્કાઉન્ટ બાદ તેની કિંમત રૂ. 9969 થવા જાય છે. ગત સપ્તાહે આ સ્માર્ટપોન માઈક્રોમેક્સની વેબસાઈટ પર લિસ્ટ થયો હતો, પરંતુ કંપનીએ તેની કિંમત કે વેચાણ શરૂ થવા અંગે કોઈ જાણકારી આપી નહોતી.
માઈક્રોમેક્સ કેનવાસ 2 કલર્સની સૌથી મોટી ખાસિયત તેની રંગીન બ્લેક પેનલ છે. કેનવાસ 2 કલર્સ ડાર્ક ગ્રે તથા વ્હાઈટ કલરમાં છે. ડાર્ક ગ્રે કલરની સાથે લાલ અને લીલા રંગની બેક પેનલ આપવામાં આવશે. સફેદ કલરવાળા સ્માર્ટફોનની સાથે પીળા અને લીલા રંગની બેક પેનલ અપાશે.
આ ફોન ડ્યુઅલ સિમ સપોર્ટ કરે છે. જેમાં 720x1280 પિક્સલ રિઝોલ્યુશનવાળું 5 ઈંચની એચડી આઈપીએસ ડિસ્પ્લે છે. ફોનમાં 1.3 ગીગાહર્ટઝ ક્વોડ કોર પ્રોસેસર તથા એક જીબી રેમ છે. જે એન્ડ્રોઈડ 4.2 જેલીબીન પર ચાલે છે. પાછળની બીજુએ એલઈડી ફ્લેશ સાથે 8 મેગાપિક્સલનો કેમેરો છે. આગળની તરફ 2 મેગા પિક્સલનો કેમેરો છે. 4 જીબી ઈન્ટરનલ સ્ટોરેજ ધરાવતા ફોનમાં 32 જીબી સુધીનું માઈક્રો એસડી કાર્ડ લગાવી શકાય છે.
કેનવાસ 2 કલર્સની બેટરી 2000mAh છે. કનેક્ટિવિટી વિકલ્પમાં 3જી, જીપીએસ, વાઈ-ફાઈ, માઈક્રો-યુએસબી તથા બ્લૂટૂથનો સમાવેશ થાય છે. ગત સપ્તાહે માઈક્રોમેક્સ દ્વારા 6 ઈંચ ડિસ્પ્લે ધરાવતો માઈક્રોમેક્સ કેનવાસ ડૂડલ 3 લોન્ચ કરવામાં આવ્યો હતો. જેની કિંમત રૂ. 8500 રાખવામાં આવી હતી.
નોંધનીય છે કે આ પહેલાં લાવા પણ આ પ્રકારનો સ્માર્ટફોન લાવા આઈરિસ 450 કલર લોન્ચ કરી ચૂકી છે. લાવાના ફોનમાં પણ બેક પેનલ બદલી શકાય છે અને તેની કિંમત રૂ. 7999 છે.
MP
Reader's Feedback: