લકઝરી કારના ચાહકો માટે આનંદના સમાચાર છે. લકઝરી કાર કંપની મર્સિડિઝ બેન્ઝ દ્વારા ભારતમાં સાત સીટ ધરાવતી સ્પોર્ટ્સ યુટિલિટી વ્હીકલ જીએલ63 એએમજી રજૂ કરી હતી. જેની કિંમત રૂપિયા 1.66 કરોડ (એક્સ શો રૂમ મુંબઈ) રાખવામાં આવી છે. જર્મનીની કાર કંપનીએ પહેલીવાર ભારતમાં એએમજી રેન્જની રજૂઆત કરી છે. આ વર્ષે કંપની દ્વારા રજૂ કરવામાં આવેલું આ ચોથું મોડલ છે.
મર્સિડિઝ બેન્ઝ ઈન્ડિયાના એમડી અને સીઈઓ એબરહાર્ડ કર્ને જણાવ્યું હતું કે, કંપનીએ ડિસેમ્બર સુધી 10 મોડલ ઉતારવાની યોજના બનાવી છે. તેમણે જણાવ્યું હતું કે, જીએલ 63 મર્સિડિઝ બેન્ઝ સૌથી ક્રાંતિકારી મોડલ પૈકીની એક છે. કાર ચાહકો માટે આ એક સંપૂર્ણ કાર છે. જેના જબરદસ્ત પરફોર્મન્સને લઈને ચાહકોમાં એક જોરદાર પેશન જોવા મળે છે.
5.5 લીટર ક્ષમતા ધરાવતી એસયુવીમાં V8 BITURBO એન્જિનનો ઉપયોગ કરાયો છે, જે 410 કિલોવોટનો આઉટપુટ મેળવી શકે છે અને મહત્તમ ટોર્ક 760 એનએમ છે.
MP
Reader's Feedback: