ભારતીય દરજી દુબઈમાં લોટરી જીત્યો

એજન્સી | January 07, 2014, 07:04 PM IST

દુબઈ :

દુબઈમાં ચાલતા દુબઇ શોપિંગ ફેસ્ટિવલ 2014માં ભારતના 33 વર્ષીય એક દરજી લોટરીમાં બે લકઝરી કાર તથા એક લાખ દિરહામ (લગભગ 16.9 લાખ ભારતીય રૂપિયા) જીત્યો છે.

કેરળનો ફસલુદ્દીન કુટ્ટી પલક્કલ ફેસ્ટીવલના બીજા દિવસે ઇનફિનિટી મેગા લોટરીનો વિજેતા બન્યો હતો. ફસલુદ્દીન છેલ્લા 10 વર્ષથી પોતાની કિસ્મત અજમાવતો હતો. આ વખતે ત્રણ દિવસ પહેલાં જ જન્મેલી તેની બેટી તેના માટે ખૂબ જ ભાગ્યશાળી સાબિત થઈ હતી. દર વર્ષે તે પોતાના મિત્રોની સાથે લોટરીની ટિકિટ ખરીદતો હતો, પરંતુ આ વખતે તેણે એકલા ટિકિટ ખરીદવાનો નિર્ણય કર્યો હતો. આ સાહસના પરિણામ સ્વરૂપે તેને આટલું મોટું ઇનામ મળ્યું.

ફસલુદ્દીને જણાવ્યું હતું કે, આ વખતે મને જીતવાનો પૂરો ભરોસો હતો. જ્યારે હું વિજેતા બન્યો છું તેવો ફોન આવ્યો ત્યારે ખૂબ જ રોમાચિંત થઈ ગયો હતો. નવા વર્ષની આનાથી સુંદર શરૂઆત બીજા કોઈ હોઈ શકે નહીં. ફસલુદ્દીને ઇનામમાં મળેલી રકમ પોતાના જરૂરિયાતમંદ દોસ્તો તથા પરિવારના સભ્યોને મદદ કરવાની ઇચ્છા વ્યક્ત કરી હતી.