full of nutrition bajri khichdi | બાજરીની પૌષ્ટિક ખીચડી

બાજરીની પૌષ્ટિક ખીચડી

જીજીએન ટીમ દ્વારા | November 19, 2012, 10:23 AM IST

અમદાવાદ :

સામગ્રી
2 કપ	બાજરી આખી રાત પલાળી રાખેલી
½ કપ	મગદાળ પલાળેલી
3 ટે.સ્પૂન	તેલ
1 ટી.સ્પૂન	જીરું
2	મધ્યમ આકારની ડુંગળી ઝીણી સમારેલી
3	લીલાં મરચાં ઝીણાં સમારેલાં
1	1 ગાજર ઝીણું સમારેલું
1 ટી.સ્પૂન	લાલ મરચું
અડધી ટી.સ્પૂન	હળદર પાઉડર
1	બટાકો ઝીણો સમારેલો
અડધો કપ	લીલા વટાણા
15-20	ફણસી ઝીણી સમારેલી
મીઠું સ્વાદ પ્રમાણે

રીત :

	આખી રાત પલાળેલી બાજરીમાંથી પાણી નિતારી લેવું. ત્યાર બાદ પ્રેશર કૂકરમાં 2 ચમચી તેલ મૂકીને તેલ ગરમ થવા દેવું.
	કૂકરમાં હીંગ, સમારેલી ડુંગળી, મગની દાળ, ગાજર, વટાણા,ફણસી, ચપટીક હળદર, લાલ મરચું તથા થોડું મીઠું નાખીને થોડી વાર સાંતળવું.
	પૂરતા પ્રમાણમાં ઓછામાં ઓછું છ કપ પાણી નાંખીને તેમાં પલાળેલી બાજરી નાંખીને હલાવી લેવું.
	કૂકર બંધ કરીને ઓછામાં ઓછી 4-5 સિટી બોલાવવી. ત્યાર બાદ પાંચેક મિનિટ ગેસ ધીમો કરીને પછી બંધ કરી દેવો.
	કૂકર ઠંડું પડે એટલે કોથમીર ભભરાવીને બાજરીની ખીચડી સર્વ કરવી.

નોંધ : બાજરી ગરમ હોવાથી તેની સ્વાદિષ્ટ ખીચડી શિયાળામાં ગરમાવો આપે છે. જે લોકોને બાજરીના રોટલા નથી ભાવતા તેઓ આ રીતે બાજરીનું સેવન કરી શકે છે.

MP / YS