Home» Sports» Football» David beckham retires from football

ડેવિડ બેકહામે નિવૃત્તિની જાહેરાત કરી

Agencies | May 17, 2013, 03:07 PM IST

લંડન : ઇંગ્લેન્ડના પૂર્વ કેપ્ટન અને દુનિયાના શ્રેષ્ઠ ફૂટબોલ પ્લેયર્સમાં ગણના પામતા ડેવિડ બેકહામ એ નિવૃત્તિની જાહેરાત કરી છે. 38 વર્ષીય ડેવિડ બેકહામે પોતાનાં 20 વર્ષના કરિયરમાં ઇંગ્લેન્ડ માટે 115 અને માનચેસ્ટર યુનાઇટેડ તરફથી 394 મેચ રમી છે.

બેકહામ 6 પ્રીમિયર લીગ ટાઇટલ અને 1 વખત ચેમ્પિયન્સ લીગ જીતનારી માન્ચેસ્ટર યુનાઇટેડનો સભ્ય રહ્યો છે. બેકહામે પેરિસ સેટ જરમેન સાથે ગત્ જાન્યુઆરી મહિનામાં પાંચ મહિનાનો કરાર કર્યો હતો. ગુરુવારે બેકહામે એક નિવેદનમાં કહ્યુ કે હું પીએસજીનો આભારી છું, જેમણે મને મોકો આપ્યો, પણ હવે મને લાગે છે કે મારું કરિયર સમાપ્ત કરવાનો સમય આવી ગયો છે.

બેકહામે કહ્યું કે મારા માટે સૌથી મોટી ઉપલબ્ધી દેશ માટે કેપ્ટનશિપ કરવી છે. જ્યારે હું ઇંગ્લેન્ડનાં કેપ્ટન તરીકે મેદાનમાં ઊતરતો ત્યારે મને લાગતું કે હું મહાન ખેલાડીઓની પરંપરા આગળ વધારી રહ્યો છું. અને મને એ વાતનો ગર્વ છે કે મેં ઇગ્લેન્ડની ફૂટબોલ ટીમનું પ્રતિનિધિત્વ કર્યુ.

બેકહામ 14 વર્ષની ઉંમરમાં માન્ચેસ્ટર યુનાઇટેડમાં જોડાયા હતા. 1996-97માં વિંબલ્ડન વિરુદ્ધ હાફ લાઇન નજીકથી ગોલ કરીને બેકહામ ચર્ચામાં આવ્યા હતા. તેમનાં નામ પરથી બેન્ડ ઇટ લાઇક બેકહામ નામની ફિલ્મ પણ બની હતી.

વર્ષ 2003માં બેકહામ સ્પેનની રિયાલ મેડ્રિડ ક્લબમાં જોડાયા હતા અને બાદમાં લૉસ એન્જિલિસની ગેલેક્ષી ક્લબ તરફથી રમ્યા. બેકહામ 1996માં ઇંગ્લેન્ડ માટે પ્રથમ આંતરરાષ્ટ્રીય મેચ રમ્યા હતા. અને વર્ષ 2000 થી 2006 સુધી ઇંગ્લેન્ડની ફૂટબોલ ટીમની કેપ્ટનશિપ સંભાળી હતી. તેઓ વર્ષ 2009માં અંતિમ વાર ઇંગ્લેન્ડની ટીમ તરફથી રમ્યા હતા.

બેકહામના કરિયરની કેટલીક એવી ક્ષણો પણ હતી, જેને બેકહામ ક્યારે યાદ રાખવા નહીં ઇચ્છે. જેમાં 1998માં ફ્રાન્સમાં યોજાયેલા વલ્ડૅકપમાં તેમને મેદાનની બહાર મોકલી દેવામાં આવ્યા હતા. સાથે જ યૂરો 2004માં બેકહામ પેન્લટી કૉર્નર ચૂકી ગયા હતા.

પોતાની અનોખી હેરસ્ટાઇલ અને લોકપ્રિયતાને કારણે બેકહામનાં દુનિયાભરનાં ચાહકો છે. લંડન ઓલિમ્પિક 2012માં તેઓ ઉદઘાટન સમારોહમાં સ્પીડબોટમાં ઓલિમ્પિક મશાલ લઇને સ્ટેડિયમમાં આવ્યા હતા.

DP

Reader's Feedback:

blog comments powered by Disqus

Today Cartoon

GGN Voice
 
Radisson

Opinion Poll

 
અરવિંદ કેજરીવાલ વારાણસીમાં મોદી સામે જીતી શકશે ?
હાં. જીતી જશે 80.92 %
નાં. હારી જશે. 18.61 %
કહીં ન શકાય. 0.47 %