ટી-20 વર્લ્ડ કપમાં ભારત 21 માર્ચે પાકિસ્તાન સામે રમીને અભિયાનના શ્રી ગણેશ કરશે. ટીમ ઈન્ડિયા બાંગ્લાદેશ પહોંચી ગઈ છે તથા પ્રેકટિસનો આરંભ પણ કરી દેશે. પરંતુ આ પહેલા એક વિશેષ પ્રકારની તૈયારીનો પણ આરંભ થઈ ગયો છે. T-20 વિશ્વ કપના ટ્વિટર એકાઉન્ટ પર યુવરાજ સિંહ તથા વિરાટ કોહલીની એક તસવીર તેના સિગ્નેચર સાથે શેર કરવામાં આવી છે.
ટ્વિટર દ્વારા T-20 વર્લ્ડ કપને પ્રમોટ કરવામાં આવી રહ્યો છે તથા આ પ્રમોશનનો ભાગ આ ફોટો છે. આ ફોટામાં યુવરાજ અને વિરાટ ટીમ ઈન્ડિયાની જર્સીમાં મસ્તીના અંદાજમાં દેખાઈ રહ્યા છે. યુવરાજના ફોટા સાથે તેની સહી પણ છે અને તેમાં લખવામાં આવ્યું છે કે #YOUWECAN (તમે કરી શકો છો) બીજી બાજુ વિરાટના ફોટા સાથે તેની સિગ્નેચર પણ છે જેમાં #Belief (વિશ્વાસ) લખેલું છે.
ગત ટી 20 વિશ્વકપમાં ભારત ગ્રુપ મેચમાં માત્ર એક જ મેચ હાર્યું હતું તેમ છતાં તેને ટુર્નામેન્ટમાંથી બહાર થવું પડ્યું હતું. આ વખતે ભારત 2007નું પુનરાવર્તન કરવા માંગશે. 2007ના ટી-20 વિશ્વકપની પહેલી સિઝનમાં ધોનની આગેવાનીમાં ભારત વિજેતા બન્યું હતું. આ વખતે ટીમ ઈન્ડિયા પાકિસ્તાન, ઓસ્ટ્રેલિયા અને વેસ્ટ ઈન્ડિઝની સાથે એક ગ્રુપમાં છે.
યુવી અને વિરાટની આ તસવીરમાં લોકોએ ખૂબ ટ્વિટ કર્યું થે, કેટલાક લોકોએ તેને ટીમનું મનોબળ વધારવા માટેનું પગલું ગણાવ્યું છે તો કેટલાકે બંનેને રમત પર ધ્યાન આપવાની સલાહ આપી છે.
MP
Reader's Feedback: