Home» Entertainment» Bollywood» Two things to impress pooja chopra

પૂજા ચોપડાને આકર્ષનારી બે બાબતો

Agencies | July 11, 2013, 11:38 AM IST

મુંબઈ : સુંદર સ્માઇલ ધરાવનાર પૂજા ચોપડાને આપણે કમાન્ડો ફિલ્મમાં એક્શન કરતા જોઇ છે. તેનાથી પણ એક ખાસ વાત એ જાણવા મળી છે કે ભૂતપૂર્વ ફેમિના મિસ ઇન્ડિયા પૂજા ચોપડાને ફક્ત તેના મિત્રો જ નહીં પણ સ્કુલના ટીચર્સ પણ ટોમબોય તરીકે ઓળખે છે.

નાનપણની ઘણી બધી ઘટનાઓ પૂજાને આજે પણ યાદ છે. તે બધી ઘટનાઓમાંથી કેટલીક મસ્તીની વાતોને તે શેર કરતા કહે છે કે, નાનપણમાં હું ખૂબ જ તોફાની અને મસ્તીખોર હતી. સોસાયટીના કુતરાઓએ મારા દિલમાં ખાસ સ્થાન મેળવ્યું હતું. મને આજે પણ યાદ છે કે મને મમ્મી સ્કુલનું જે ટીફીનબોક્સ આપતી તે હું મોટાભાગે લંચબ્રેકમાં ખાતી નહીં અને સોસાયટીના કુતરાઓ માટે સાચવી રાખતી હતી. એક દિવસ મમ્મી મને સ્કુલે લેવા આવી અને અમે ઘરે જતા હતા. રસ્તામાં બધા કુતરાઓ મારી પાસે આવીને પૂંછડી પટપટાવવા લાગ્યા. મમ્મીને પહેલા સમજાયું નહીં કે આ શું છે, પણ જ્યારે મેં તેમને સાચી વાત કરી તો મારા પર ખૂબ ગુસ્સે થઇ. પરંતુ પછી મારી કુતરાઓ પ્રત્યેની લાગણીને તે સમજી ગઇ. પૂજા કહે છે કે જો મને ક્યારેય તક મળશે તો હું એક ડોગીને જરૂર પાળીશ.

જોકે પ્રાણી પ્રેમી પૂજાની સ્માઇલ સુંદર છે પણ પૂજા કોઇ બીજાની જ સ્માઇલ પર ફિદા છે. જ્યારે કોઇપણ છોકરીને ઇમ્પ્રેસ કરવી હોય તો તેમના માટે ફૂલ, ડાયમંડ્સ, ચોકલેટ્સ અથવા તો કેન્ડલ લાઇટ ડિનરની વ્યવસ્થા કરવી પડે છે પરંતુ એક્ટ્રેસ પૂજા આ બધાથી ખૂબ અલગ છે. પૂજાને ઇમ્પ્રેસ કરવા માટે બે બાબતો જરૂરી છે. એક તો તમારી પાસે પ્યારુ ડોગીનું હોવું અને બીજુ ગાલ પર ડીમ્પલ પડતા હોવા જોઇએ.

પૂજા ચોપડા એવા લોકોથી ખૂબ આકર્ષાય છે, જેના ગાલ પર ડિમ્પલ પડતા હોય છે. આ બાબત અંગે પૂજાએ કહ્યું કે, મને નાનપણથી કુતરાઓ ખૂબ ગમે છે, તમે મને આજેપણ ક્યારેક અચાનક સોસાયટીના કુતરાઓ સાથે રમતી જોઇ શકશો. જ્યારે ગાલ પર ડિમ્પલની વાત આવે છે તો નાનપણથી જ મને પ્રિટી ઝીંટાના ગાલમાં પડતા ડિમ્પલ ખૂબ જ આકર્ષતા રહ્યા છે. હું નાની હતી ત્યારે મારા ગાલમાં પેન્સિલ નાખી રાખતી હતી જેથી મારા ગાલમાં પણ તેના ડિમ્પલ આવી જાય.

MPB / KP

Reader's Feedback:

blog comments powered by Disqus

Today Cartoon

GGN Voice
 
Radisson

Opinion Poll

 
અરવિંદ કેજરીવાલ વારાણસીમાં મોદી સામે જીતી શકશે ?
હાં. જીતી જશે 80.92 %
નાં. હારી જશે. 18.61 %
કહીં ન શકાય. 0.47 %