કેન્દ્રની યુપીએ સરકાર દ્વારા વિદેશી પ્રવાસીઓને આકર્ષવાને માટે 11 દેશોના પ્રવાસીઓને માટે સ્પોટ વિઝાની સુવિધા ઉપલબ્ધ બનાવી છે. આ સુવિધા દેશના ચાર પ્રમુખ આંતરરાષ્ટ્રિય હવાઈ મથકો પર મળી રહેશે. આ સુવિધા થકી વધુને વધુ વિદેશી પ્રવાસીઓને આકર્ષીને જીડીપી દર સુધારવાની સરકારને આશા છે. જો કે આ પૈકી કેટલાક દેશોમાં આવા પ્રકારની સુવિધા ભારતીય પ્રવાસીઓને માટે ઉપલબ્ધ છે.

ભારતમાં વધુને વધુ વિદેશી પ્રવાસીઓ (ફોરેન ટુરીસ્ટ એરાઈવલ –એફટીએ)મુલાકાત લે એ માટે કેન્દ્રની યુપીએ સરકારે ટુરીસ્ટ વિઝા ઓન એરાઈવલ(ટીવીઓએ)ની સવલત ઉભી કરી છે.આ સવલત હાલમાં અગિયાર દેશો માટે ઉપલબ્ધ બનાવવામાં આવી છે. જેમાં જાપાન, સિંગાપોર,ફિલિપાઈન્સ, ફીનલેન્ડ, લક્ષામ્બર્ગ, ન્યુઝીલેન્ડ, કંબોડિયા, લાઓસ, વિયેતનામ, મ્યાનમાર અને ઈન્ડોનેશિયાનો સમાવેશ થાય છે.

આ સવલત થકી એવી આશા રાખવામાં આવી રહી છે કે દેશના જીડીપીમાં ટ્રાવેલ અને ટુરિઝમનો ફાળો 7.3 ટકા રહેશે. હાલમાં પ્રથમ તબકકે આ સુવિધા દિલ્હી, મુંબઈ, ચેન્નાઈ અને કોલકત્તા આંતરરાષ્ટ્રિય હવાઈ મથકો ઉપર ઉપલબ્ધ બનાવવામાં આવશે. હાલમાં દેશમાં પ્રતિવર્ષ 65,77,745 વિદેશી પ્રવાશીઓ મુલાકાતે આવે છે. જેના થાકી દેશને રૂપિયા 94,487/- કરોડનું વિદેશી હૂંડિયામણ મળે છે.   

DP