never gave interview or implicated mohan bhagwat in blasts swami aseemanand | અસીમાનંદે ફેરવી તોળ્યું: મેં કોઈ ઈન્ટરવ્યુ નથી આપ્યો

અસીમાનંદે ફેરવી તોળ્યું: મેં કોઈ ઈન્ટરવ્યુ નથી આપ્યો

એજન્સી | February 07, 2014, 04:52 PM IST

નવી દિલ્હી :

સમજૌતા એક્સપ્રેસ બ્લાસ્ટના આરોપી અસીમાનંદે કારવાં મેગેઝીનનો અહેવાલ ખોટો અને બનાવટી હોવાનું કહીને ફેરવી તોળ્યું હતું. કારવાં મેગેઝીને અસીમાનંદ સાથેની વાતચીતનો આધાર લઈને કહ્યું હતું કે, સમજૌતા, અજમેર, માલેગાંવ તથા મક્કા મસ્જિદમાં થયેલા ધડાકાની મંજૂરી આરએસએસના નેતૃત્વમાં કરવામાં આવી હતી.

આ ખબર આવ્યા બાદ અસીમાનંદે કારવાં મેગેઝીનને પત્ર લખીને એવો ઉલ્લેખ કર્યો હતો કે મેં આવી કોઈ વાત કહી જ નથી. તેમણે કારવાં વિરુદ્ધ કેસ કરવાની ચેતવણી પણ આપી હતી. જોકે અસીમાનંદે કારવાંના રિપોર્ટરને મળ્યા હોવાની વાતનો સ્વિકાર કર્યો હતો.

અસીમાનંદે એવો પણ ઉલ્લેખ કર્યો હતો કે તેમની રિપોર્ટર સાથએ કોર્ટ બાહર અને અંદર સુનાવણી દરમિયાન મુલાકાત થઈ હતી. કારવાનંદે અસીમાનંદનો ઉલ્લેખ કરીને છાપ્યું હતું કે સમજોતા એક્સપ્રેસમાં ધડાકા માટે સંઘ પ્રમુખ મોહન ભાગવતે મંજૂરી આપી હતી અને તેના ઈશારે જ ધડાકા કરવામાં આવ્યા હતા.

અસીમાનંદના વકીલનું કહેવું છે કે, તેને જાણ છે ત્યાં સુધી અસીમાનંદે આવો કોઈ ઈન્ટરવ્યુ આપ્યો જ નથી. ઈન્ટરવ્યુની વિશ્વસનીયતાને લઈને આરએસએસ તથા ભાજપના પ્રશ્નો અંગે કારવાંના કાર્યકારી સંપાદક વિનોદ જોસે કહ્યું હતું કે, સત્યતા માટે જો કોર્ટમાં જવું પડે તો પણ તેઓ તૈયાર છે. જેનો મતલબ છે કે અસીમાનંદ સમજૌતા એક્સપ્રેસ બોંબ ધડાકાના આરોપી છે.