Home» Development» Science & Technology» Microsoft to stop supporting windows xp os

એપ્રિલથી માઈક્રોસોફ્ટ વિન્ડોઝ XPને સપોર્ટ નહીં કરે

એજન્સી | March 10, 2014, 03:20 PM IST

નવી દિલ્હી :
જો તમે વિન્ડોઝની ઓપરેટિંગ સિસ્ટમ વાપરતાં હો તો સાવધ થઈ જવાની જરૂર છે. 8 એપ્રિલ બાદ માઈક્રોસોફ્ટ એક્સપીને સપોર્ટ કરવાનું બંધ કરી દેશે. તેથી કંપની તરફથી આમાં કોઈપણ પ્રકારનો સહયોગ નહીં મળે અર્થાત્ જો તમારા વિન્ડોઝ એક્સપીમાં કોઈ વાઈરસ આવી ગયો હશે તો કંપની કોઈ મદદ કરશે નહીં.
 
માઈક્રોસોફ્ટ દ્વારા કોઈ પ્રકારનું હેકિંગ મોનિટરિંગ પણ નહીં કરવામાં આવે. તેના પરિણામે એક રીતે આવી ઓપરેટિંગ સિસ્ટમનો ઉપયોગ કરનારા પાંગળા બની જશે. 
માઈક્રોસોફ્ટ ઈન્ડિયાના એમડી કેતન બાજવાએ જણાવ્યું હતું કે, હવે માત્ર 30 દિવસ જ રહી ગયા છે અને તે બાદ અમે તેને સપોર્ટ કરવાનું બંધ કરી દઈશું. સામાન્ય રીતે કોઈપણ ટેક્નોલોજી પાંચ વર્ષ કરતા વધારે ચાલતી નથી ત્યારે માઈક્રોસોફ્ટે XPને 12 વર્ષ સુધી સપોર્ટ કર્યું છે. 8 એપ્રિલ બાદ કોઈ પ્રકારનું અપડેટ કે સોફ્ટવેર ઉપલબ્ધ નહીં હોય.
 
હાલમાં મોટી મોટી કંપનીઓમાં 40 લાખથી વધુ કોમ્પ્યુટરોમાં XPનો ઉપયોગ થાય છે. હવે તે પૈકીના મોટાભાગા વપરાશકારો વિન્ડોઝ 7 કે 8માં ટ્રાન્સફર થઈ રહ્યા છે. બેંકો અને સરકારી કંપનીઓમાં પણ આ દિશામાં કામ થઈ રહ્યું છે, પરંતુ આગામી દિવસોમાં આવી સંસ્થાઓમાં મુશ્કેલીઓનો સામનો કરવો પડી શકે છે. 
 
માઈક્રોસોફ્ટ પાસે હાલમાં ત્રણ પ્રકારની ઓપરેટિંગ સિસ્ટમ છે જેમાં કંપની માટે ત્રણેય ઓએસને સપોર્ટ કરવું કઠિન થઈ રહ્યું છે. એક નિષ્ણાંતે આગાહી કરી હતી કે 8 એપ્રિલ બાદ જેવી માઈક્રોસોફ્ટ આ સિસ્ટમને દૂર કરશે તેવા જ હેકરો તેમાં ઘૂસવા લાગશે. જેના પરિણામે 29 ટકા કમ્પ્યુટરો હેક થઈ જશે. ટૂંકમાં આ સિસ્ટમ જોખમી થઈ જશે. તેથી શક્ય તેટલા વહેલાં વિન્ડોઝના નવા વર્ઝનમાં ટ્રાન્સફર થઈ જવું જોઈએ.
 
MP

Reader's Feedback:

blog comments powered by Disqus

Today Cartoon

GGN Voice
 
Radisson

Opinion Poll

 
અરવિંદ કેજરીવાલ વારાણસીમાં મોદી સામે જીતી શકશે ?
હાં. જીતી જશે 80.92 %
નાં. હારી જશે. 18.61 %
કહીં ન શકાય. 0.47 %