માઈક્રોસોફ્ટ વિન્ડોઝ એક્સી ઓપરેટિંગ સિસ્ટમ માટે સપોર્ટ 8 એપ્રિલથી આપવાનું બંધ કરવા જઈ રહી છે. આ કારણે વિશ્વમાં ઘણી એટીએમ સેવાઓ સહિત બેંકિંગ સેવાઓ પ્રભાવિત થઈ શકે છે, એટલું જ નહીં વિન્ડોઝ એક્સપીને મળનારા વાઈરસ એપડેટ બંધ થઈ જવાની એટીએમ હેક થઈ જવાની સંભાવના રહેલી છે.
ભારતીય રિઝર્વ બેંક (આરબીઆઈ) દ્વારા દેશભરની બેંકોને આ અંગે નિયંત્રણ રાખવા માટે તાત્કાલિક પગલું ભરવાનો નિર્દેશ આપ્યો છે. આરબીઆઈએ કહ્યું હતું કે, વિન્ડોઝ એક્સપી માટે સપોર્ટ બંધ થતા આ પ્રકારની સિસ્ટમ પર ઓનલાઈન હુમલા કે હેકિંગ થવાની શક્યતા વધી જશે. જેના કારણે એટીએમ સેવા ખોરંભે ચડી શકે છે.
આરબીઆઈએ કહ્યું હતું કે, માઈક્રોસોફ્ટના સપોર્ટ વગર આ પ્રકારના હુમલાથી બચવું મુશ્કેલ છે. ઉલ્લેખનીય છે કે માઈક્રોસોફ્ટ વિન્ડોઝ એક્સપી ઓપરેટિંગ સિસ્ટમમાં વાયરસ માટે અપડેટ 8 એપ્રિલ, 2014થી બંધ કરી દેશે. નોંધનીય છે કે ભારતમાં આશરે 1,40,000 એટીએમ છે. વાઈરસ એટેક તથા હેકિંગથી એટીએમની સુરક્ષા ખતમ થવાની સાથોસાથ ગ્રાહકોના ડેટાની પણ ચોરી થઈ શકે છે.
MP
Reader's Feedback: