Home» Women» Relationships» Matru devo bhav celebration at vadodara

વડોદરા ખાતે માતૃ દેવો ભવ:ની ઉજવણી

જીજીએન ટીમ દ્વારા | July 20, 2013, 06:14 PM IST

વડોદરા :

આજરોજ વડોદરાની પ્રિન્સ અશોકરાજે ગાયકવાડ સ્કૂલ ખાતે ગુરુપૂર્ણિમા પર્વ પૂર્વે એક સૂચક કાર્યક્રમ યોજાયો. જેમાં માતા, ગુરુ અને પ્રકૃતિને ગુરુતુલ્ય ગણીને તેઓનું પૂજન-અર્ચન કરવામાં આવ્યું. પ્રકૃતિની નિશ્રામાં યોજિત કાર્યક્રમમાં વિદ્યાર્થીઓએ માતા, શિક્ષકો તથા પ્રકૃતિનું પૂજન કરીને તેઓના આશીર્વાદ મેળવ્યા હતા.

અત્રે નોંધવું ઘટે કે આજનો વિદ્યાર્થી પરંપરાગત સંસ્કારોથી દૂર જઈ રહ્યો છે ત્યારે આ પ્રકારનો કાર્યક્રમ સાચા અર્થમાં સૂચક બની રહ્યો હતો. વિદ્યાર્થીઓએ પોતાની માતાનું જાહેરમાં પૂજન-અર્ચન કર્યું ત્યારે માતાઓએ સજળ આંખે પોતાના બાળકોને આશિર્વાદ પાઠવ્યા હતા.

કાર્યક્રમના અતિથિવિશેષપદે ઉપસ્થિત જાણીતા મનોચિકિત્સક ડૉ. યોગેશ પટેલે આ પ્રકારના સુંદર કાર્યક્રમનું આયોજન કરવા બદલ શાળાના આયોજકોને અભિનંદન પાઠવ્યા હતા.

ડૉ. પટેલે જણાવ્યું હતું કે ખુદ વેદોપનિષદો પણ માતા અને પ્રકૃતિને ગુરુતુલ્ય ગણે છે અને આજે વિદ્યાર્થીઓ અને શિક્ષકોનો ઉત્સાહ જ હકારાત્મક ઉર્જાનો સ્ત્રોત બની રહેશે.

વધુમાં શાળા દ્વારા પ્લાસ્ટિકને સંપૂર્ણપણે તિલાંજલિ આપવા માટે મોટા પાયે સહીઝુંબેશ પણ હાથ ધરવામાં આવી હતી. ડૉ. તુષાર ભોંસલેએ જણાવ્યું હતું કે જો આજે આપણે સામાન્ય ચલણમાંથી પ્લાસ્ટિકનો ઉપયોગ બંધ નહિ કરીએ તો આગામી ભવિષ્યમાં વિષમ પગલાનો ભોગ બનવું પડશે. પ્લાસ્ટિક જ પ્રકૃતિની ખો કાઢવા માટેનું સૌથી ખતરનાક પરિબળ છે.

KP

Reader's Feedback:

blog comments powered by Disqus

Today Cartoon

GGN Voice
 
Radisson

Opinion Poll

 
અરવિંદ કેજરીવાલ વારાણસીમાં મોદી સામે જીતી શકશે ?
હાં. જીતી જશે 80.92 %
નાં. હારી જશે. 18.61 %
કહીં ન શકાય. 0.47 %