નવી દિલ્હી :
ઓલ ઈંગ્લેન્ડ ચેમ્પિયનશિપ તથા સ્વિસ ઓપનની ક્વાર્ટર ફાઈનલમાં હારીને બહાર ફેંકાઈ ગયેલી ભારતની ટોચની ખેલાડી સાયના નેહવાલ છેલ્લા 18 મહિનાથી ખિતાબથી વંચિત છે. આટલા મહિનાનો દુકાળ દૂર કરવાના હેતુથી સીટી ફોર્ટ સ્પોર્ટસ કોમ્પલેક્સમાં એકથી છ એપ્રિલ સુધી રમાનારી ઈન્ડિયન ઓપન સુપર સીરીઝ બેડમિન્ટન ટુર્નામેન્ટ જીતવાના ઈરાદા સાથે મેદાનમાં ઉતરશે.
સાયનાએ આ વર્ષે લખનઉમાં પીવી સિંધૂને હરાવીને સૈયદ મોદી ગ્રાંપી ગોલ્ડ બેડમિન્ટન ટુર્નામેન્ટ જીતી હતી. આ મેચને બાદ કરતા અંતિમ 18 મહિનામાં તેણી એકપણ મોટો ખિતાબ જીતી શકી નથી. ઓલ્મિપક કાંસ્ય વિજેતા સાયનાએ મોટી જીત ઓક્ટોબર 2012 ડેનમાર્ક ઓપનમાં મેળવી હતી. 2013માં આખુ વર્ષ તેણે જીત માટે તરસવું પડ્યું હતું.
સાયનાએ ઈન્ડિયન ઓપન માટે કહ્યું હતું કે, કોઈ પણ ખેલાડી માટે ઘરેલું પ્રશંસકો અને સમર્થકો વચ્ચે રમવું વિશેષ મહત્ત્વ ધરાવે છે. ઈન્ડિયન ઓપનમાં તમામ ભારતીય ખેલાડીઓને ઘરેલું દર્શકો સામે પોતાની પ્રતિભા દર્શાવવાનો મોકો મળે છે. મારા માટે આ ટુર્નામેન્ટ ખાસ છે અને અહીંયા હું મારું સર્વશ્રેષ્ઠ પ્રદર્શન કરીશ.
MP
Reader's Feedback: