Home» Sports» Olympic» Saina gifted with bmw

સચિનની સાઇનાને બીએમડબ્લ્યુ કારની ગિફ્ટ

Agencies | August 20, 2012, 01:27 PM IST

હૈદરાબાદ :

લંડન ઓલિમ્પિકમાં બેડમિન્ટનમાં દેશ માટે કાંસ્ય ચંદ્રક જીતી લાવનાર સાઇના નેહવાલને રવિવારે આંધ્રપ્રદેશ બેડમિન્ટન એસોસિયેશન દ્વારા બીએમડબ્લ્યુ કાર ગિફ્ટમાં આપવામાં આવી હતી. હૈદરાબાદમાં આયોજિત આ કાર્યક્રમમાં આ કારની ચાવી ભારતીય ક્રિકેટ સ્ટાર સચિન તેંડૂલકર દ્વારા આપવામાં આવી હતી.

આ કાર્યક્રમમાં સચિને જણાવ્યું હતું કે હજી સુધી બેડમિન્ટન સ્ટાર સાઇનાનું પ્રદર્શન દુનિયાએ જોયું જ નથી. તે આના કરતાં પણ વધુ સારું પ્રદર્શન કરશે.

આંધ્રપ્રદેશના ખેલમંત્રી અને આંધ્રપ્રદેશ બેડમિન્ટન એસોસિયેશનના વાઇસ પ્રેસિડેન્ટ ચામુંડેશ્વરી નાથે આ કાર્યક્રમનું આયોજન કર્યું હતું. તેઓએ જણાવ્યું હતું કે સાઇના લંડન ગઇ તે પહેલાં તેમણે વચન આપ્યું હતું કે જો તે મેડલ સાથે પરત આવશે તો તેને કાર ગિફ્ટ સ્વરૂપે આપવામાં આવશે એટલે મેં મારું વચન પૂરું કર્યું છે.

ખેલમંત્રીએ વિશેષમાં જણાવ્યું હતું કે સાઇના ક્રિકેટર સચિન તેંડૂલકરની મોટી પ્રશંસક છે જેથી આ કારની ચાવી સચિન દ્વારા મળતાં તેની ખુશી બમણી થઇ ગઇ હતી. આ સમયે સાઇનાના કોચ ગોપીચંદ અને પી. વી. સિંધુને પણ કાર આપવાની જાહેરાત કરવામાં આવી હતી.

સચિને આ પ્રસંગે જણાવ્યું હતું કે મને ભરોસો છે કે સાઇના તેના આ પ્રદર્શનથી ખુશ હશે પણ સંતુષ્ટ નહીં હોય. અમે પણ સંતુષ્ટ નથી કારણ કે તેણે હજી ઘણું આગળ જવાનું છે. કોચ ગોપીચંદની મદદથી સાઈના હજુ ઘણું બધું કરી શકે તેમ છે..

DT / KP/DP

Reader's Feedback:

blog comments powered by Disqus

Today Cartoon

GGN Voice
 
Radisson

Opinion Poll

 
અરવિંદ કેજરીવાલ વારાણસીમાં મોદી સામે જીતી શકશે ?
હાં. જીતી જશે 80.92 %
નાં. હારી જશે. 18.61 %
કહીં ન શકાય. 0.47 %