Home» Gujarat» Ahmedabad» Rss warn togadia about narendra modi

મોદી સામે શાંત રહોઃ આરએસએસ

જીજીએન ટીમ દ્વારા | October 28, 2013, 01:16 PM IST

અમદાવાદ : આરએસએસના સુપ્રીમો મોહન ભાગવત તાજેતરમાં ગુજરાતની મુલાકાતે આવ્યા ત્યારે ગુજરાતના મુખ્યમંત્રી નરેન્દ્ર મોદીએ તેમની સાથે એક કલાક વાતચીત કરી હતી અને આ મુલાકાત દરમિયાન કહેવાય છે કે મોદીએ મોહન ભાગવત સમક્ષ વિશ્વ હિન્દુ પરિષદના ડૉ.પ્રવીણ તોગડિયાની ફરિયાદ કરી હતી. મુસ્લીમોના તહેવાર બકરી ઈદની પૂર્વ સંધ્યાએ તોગડિયાએ ગૌવંશ હત્યાને રોકવા અમદાવાદના અતિસંવેદનશીલ શાહપુર વિસ્તારની અડધી રાત્રે અચાનક મુલાકાત લઇને સમગ્ર તંત્રને મુશ્કેલીમાં મુકવાનું કામ કર્યું હતું અને એક તબક્કે કોમી તંગદિલી સર્જાઇ હતી.

સૂત્રોએ કહ્યું કે મોદીએ ભાગવતની મુલાકાત લઇને લોકસભાની ચૂંટણીઓ આવી રહી છે ત્યારે અને તેઓ દેશઆખામાં ગુજરાતને એક નમૂનેદાર રાજ્ય ગણાવી રહ્યા છે તેવા સમયે જો તોગડિયા કોમી તંગદિલી ફેલાવે તો વાતાવરણ બગડી શકે, કોંગ્રેસ અને મોદી વિરોધી પરિબળો તકની રાહ જોઇને બેઠા છે કે ગુજરાતમાં કોમી તોફાનો થાય તો મોદીને બદનામ કરી શકાય. તે સંજોગોમાં તોગડિયાને શાંત રહેવા કહેવું જોઇએ.

સૂત્રોએ કહ્યું કે દક્ષિણ ભારતના કોચી ખાતે સંઘની એક મહત્વની મીટીંગ મળી છે. જેમાં સંઘના તમામ એકમોના વડાઓની હાજરી જોવા મળી છે અને તેમાં તોગડિયા પણ હાજર હતા. એમ કહેવાય છે કે તોગડિયાએ આ બેઠકમાં મોદી સરકાર વિરૂદ્ધ ફરિયાદ કરી હતી. ગુજરાતમાં ગૌવંશ હત્યાને રોકવામાં ભાજપ સરકાર નિષ્ફળ ગઇ છે, એટલું જ નહીં મોદી હવે ટેમ્પલને બદલે ટોયલેટને મહત્વ આપી હિન્દુ ધર્મની લાગણીઓ સાથે ચેડાં કરી રહ્યાં હોવાની રજૂઆત કરતાં કહેવાય છે કે સંઘ સુપ્રીમોએ તેમને મોદી સામે શાંત રહેવાની તાકિદ કરી હતી. અત્રે ઉલ્લેખનીય છે કે આરએસએસ કોઇપણ ભોગે મોદીને વડાપ્રધાન બનાવવા માગે છે. મોદીને દિલ્હીની ગાદી મેળવતા રોકવાનો જે કોઇ પ્રયાસ કરે તે આરએસએસ ચલાવી લેવા તૈયાર નથી અને તેમાં પણ જો તોગડિયા દ્વારા જ મોદી સામે આક્ષેપો કરવામાં આવે તો કોંગ્રેસને ખુલ્લુ મેદાન મળી જાય.

સૂત્રોએ કહ્યું કે આરએસએસ દ્વારા તાકિદ મળ્યા બાદ શક્ય છે કે તોગડિયા ગુજરાત આવવાનું ટાળશે અને જો ગુજરાત આવે તો બકરી ઈદની પૂર્વસંધ્યાએ વિસ્તારમાં જઇને વહીવટીતંત્રને અને ખાસ કરીને મોદી સરકારને મુશ્કેલીમાં મુકવાનો પ્રયાસ કર્યો છે તે જોતા તેઓ હવે તેનું પુનર્વતન નહીં કરે અને કાર્યકરોને શાંત રીતે કાર્યવાહી કરવાની સૂચના આપશે. આમ સંઘ દ્વારા હાલમાં તો તોગડિયાને મોદી સામે શિંગડાં નહીં ભરાવવાની શિખામણ આપવામાં આવી છે.

KK/DT

Reader's Feedback:

blog comments powered by Disqus

Today Cartoon

GGN Voice
 
Radisson

Opinion Poll

 
અરવિંદ કેજરીવાલ વારાણસીમાં મોદી સામે જીતી શકશે ?
હાં. જીતી જશે 78.47 %
નાં. હારી જશે. 20.90 %
કહીં ન શકાય. 0.63 %