Home» International» Rest of The World» Record break snowfall in japan

જાપાનમાં હિમવર્ષાએ 120 વર્ષનો રેકોર્ડ તોડ્યો

એજન્સી | February 15, 2014, 05:34 PM IST

ટોકિયો :
જાપાનમાં શનિવારની સવારે જ્યારે લોકોની આંખ ઉઘડી ત્યારે તેમને ખ્યાલ આવ્યો કે રાજધાની ટોકિયો, ઓસાકા, કોફૂ, યમનાશી તથા યાકોહોમાં સહિત ઘણા શહેરોમાં ઠેર ઠેર બરફ છવાઈ ગયો હતો. જેના પરિણામે સમગ્ર દેશ હિમલોકમાં ફેરવાઈ ગયો હોય તેવું લાગતું હતું.
 
ટોકિયોમાં 27 સેન્ટિમીટર અને યોકાહામામાં 28 સેન્ટિમીટરની સપાટી સુધી બરફના થર જામી ગયા હતા. કોફૂ તથા યમાનાશીમાં 91 સેન્ટિમીટર હિમવર્ષા થઈ હતી, જે 1894 બાદ અત્યાર સુધીની રેકોર્ડ બ્રેક હિમવર્ષા છે. આ પહલા કોફૂમાં જાન્યુઆરી 1998માં 49 સેન્ટિમીટર બરફ પડ્યો હતો.
 
દેશમાં હિમવર્ષા સંબંધિત ઘટનાઓમાં અત્યાર સુધીમાં બે લોકોના મોત થયાં છે તથા 570થી વધારે ઘાયલ થયા છે. હવામાન વિભાગનું કહેવું છે કે દેશના ઉત્તર ભાગના ટોકાકુ ક્ષેત્રમાં રવિવારે પણ ભારે હિમવર્ષા થઈ શકે છે. આ ઉપરાંત કાતિલ ઠંડી ખૂબ ઝડપથી દક્ષિણ તરફ આગળ વધી રહી છે. જેના પરિણામે સમગ્ર દેશમાં હિમવર્ષા થવાની શક્યતા વધી ગઈ છે.
 
ભારે હિમવર્ષાના પગે જાપાનની એરલાઈન્સ કંપનીઓએ પોતાની સેવા રદ કરી દીધી છે. જાપાન એરલાઈન્સે પોતાની 135 ઘરેલું ફ્લાઈટ રદ કરી દીધી છે. આ ઉપરાંત જાપાનથી 130 આંતરરાષ્ટ્રીય ફ્લાઈટ પણ રદ કરી દેવામાં આવી છે.
 
MP

Reader's Feedback:

blog comments powered by Disqus

Today Cartoon

GGN Voice
 
Radisson

Opinion Poll

 
અરવિંદ કેજરીવાલ વારાણસીમાં મોદી સામે જીતી શકશે ?
હાં. જીતી જશે 80.92 %
નાં. હારી જશે. 18.61 %
કહીં ન શકાય. 0.47 %