Home» International» Asia» Over 20 killed nearly 70 injured in blast in pakistan

પાકિસ્તાનમાં વિસ્ફોટમાં 20થી વધુના મોત, 70 ઘાયલ

એજન્સી | April 09, 2014, 04:02 PM IST

લાહોર :
પાકિસ્તાનમાં ઈસ્લામાબાદના ફ્રૂટ બજારમાં થયેલા વિસ્ફોટમાં 20થી વધુ લોકો માર્યા ગયા હતા અને લગભગ 70 લોકો ઘાયલ થયાં છે. વિસ્ફોટ રાજધાનીના સેક્ટર 1-11ના ફળ બજારમાં થયો હતો. કોઈ વ્યક્તિ કે ગ્રુપ દ્વારા વિસ્ફોટની જવાબદારી લેવામાં આવી નથી.
 
મીડિયા રિપોર્ટ પ્રમાણે તહરીકા એ તાલિબાન પાકિસ્તાનના પ્રવક્તા શાહિદુલ્લા શાહિદે વિસ્ફોટને વખોડી કાઢ્યો છે. પ્રાથમિક માહિતી પ્રમાણે બજારમાં એક પેટી લાવવામાં આવી હતી. જેમાં ચાર-પાંચ કિલોગ્રામ વજનના શક્તિશાળી બોંબ મુકવામાં આવ્યા હતા. 
 
લોકો જ્યારે ફળની હરાજી માટે એકર્ત થયા હતા ત્યારે વિસ્ફોટ થયો હતો. પાકિસ્તાન ઈન્સ્ટીટ્યૂટ ઓફ મેડિકલ સાયન્સ (પીઆઈએમએસ)ના કુલપતિ પ્રો જાવેદ અકરમને કહ્યું હતું કે, અત્યાર સુધીમાં અમને 18 મૃતદેહો મળ્યા છે. હોલી ફેમિલી હોસ્પિટલમાં વધુ બે - ત્રણ મૃતદેહો છે. મૃતદેહોની સંખ્યા હજુ પણ વધી શકે છે. લગભગ 70 લોકો ઘાયલ થયા છે, જે પૈકી 14ની હાલત વધુ ગંભીર છે.
 
સુરક્ષા અધિકારીઓ તથા પોલિસ દ્વારા વિસ્તારની નાકાબંધી કરી દેવામાં આવી છે તથા અન્ય વિસ્ફોટક ઉપકરણો શોધી રહ્યા છે. ઈસ્લામાબાદના પોલિસ મહાનિરીક્ષક ખાલિદ ખટ્ટકે વિસ્ફોટ સ્થળની બહાર પત્રકારો સાથે વાત કરતાં કહ્યું હતું કે, વિસ્ફોટ સમયે બજારમાં લગભગ 1500થી 2000 લોકો હતા. 
 
ઉલ્લેખનીય છે કે આના એક મહિના પહેલાં જ ઈસ્લામાબાદની અદાલતમાં આતંકવાદી હુમલો થયો હતો. આ હુમલો આર્મી કોર કમાન્ડરના સંમલેન પહેલાં થયો હોવાથી બહુ સૂચક માનવામાં આવે છે.
 
MP

Reader's Feedback:

blog comments powered by Disqus

Today Cartoon

GGN Voice
 
Radisson

Opinion Poll

 
અરવિંદ કેજરીવાલ વારાણસીમાં મોદી સામે જીતી શકશે ?
હાં. જીતી જશે 80.92 %
નાં. હારી જશે. 18.61 %
કહીં ન શકાય. 0.47 %