ગુજરાતમાં 2002ના રમખાણ પર માફી માગવાના સવાલને ટાળતા ભાજપના પ્રધાનમંત્રી પદના ઉમેદવાર નરેન્દ્ર મોદીએ કહ્યું કે તેમને માફી માગવાનું કહેવા પહેલા કોંગ્રેસને પહેલા પાપોનો હિસાબ આપવો જોઈએ. નરેન્દ્ર મોદીએ એક ન્યૂઝ ચેનલના ઈન્ટરવ્યૂ દરમ્યાન પૂછવામાં આવ્યું કે તેમની જોડે રાજ્યમાં થયેલા રમખાણ પર માફી માગવાનું કહેવામાં આવી રહ્યું છે જે તેમના મુખ્યમંત્રી કાર્યકાળમાં થયું હતું.

મોદીને ટીવી 9 ન્યૂઝ ચેનલનાં ઇન્ટરવ્યૂમાં જ્યારે પૂછવામાં આવ્યું હતું કે ગુજરાત રમખાણના વિષયમાં કેટલાય આરોપ છે. તમે દુઃખ પ્રગટ કર્યું છે. પરંતુ માફી નથી માગી, લોકો આપની પાસે માફી માગવાનું કહી રહ્યા છે. તેમણે આ સવાલ પર જવાબ આપતા કહ્યું કે આ કોણ લોકો છે ? શું આ કોંગ્રેસ છે ? કોંગ્રેસથી કોઈ મને મળવા નથી આવ્યું. કોઈએ પણ આ રીતે પણ વાત નથી કરી. કોંગ્રેસના લોકોને બીજા પાસેથી હિસાબ માગવા સિવાય પોતાના પાપોનો હિસાબ આપવો જોઈએ.

ભાજપના પ્રધાનમંત્રી પદના ઉમેદવારને એવું પૂછવામાં આવ્યું હતું કે તેઓ પીએમ મનમોહન સિંહ અને નાણા મંત્રી પી ચિદમ્બરમના તે નિવેદનોથી સમંત છે. કે મોદી દેશને માટે ખતરારૂપ છે. મોદીએ સવાલ કર્યો શું આપ ખતરામાં છો ? મેં મારા 10 વર્ષના કાર્યકાળમાં મનમોહન સિંહને આ રીતે બોલતા નથી સાંભળ્યા.

મોદીએ કહ્યું કે તેઓ છેલ્લા 12થી 15 વર્ષોથી મુખ્યમંત્રીના રૂપે ગુજરાતની સેવા કરી રહ્યા છે. જો કોઈ ખતરો હોય ત્યારે ગલી મહોલ્લામાં રહેનારા લોકોને પણ થાય છે. અડવાણી અને મુરલી મનોહર જોશી જેવા વરિષ્ઠ નેતાઓને પસંદગીની સીટ ના મળવા બાબતે પૂછતા મોદીએ કહ્યું હું સીટોની વહેંચણી પર નિર્ણય નથી કરતો.

PK