જમ્મૂમાં આતંકવાદીઓએ કર્યો હુમલો

Agencies | March 28, 2014, 11:07 AM IST

જમ્મૂ :

જમ્મુમાં આજે સવારે આતંકવાદીઓએ હુમલો કર્યો હતો. આજે સવારે કઠુઆમાં આતંકવાદીઓએ સફેદ રંગની એક બોલેરો કારને પોતાનું નિશાન બનાવી હતી. પોલીસના જણાવ્યા પ્રમાણે આ આતંકવાદીઓ ભારતીય સેનાની વર્દીમાં આવ્યા હતા. આ હુમલામાં એક વ્યક્તિનું મૃત્યુ અને ત્રણ ઘાયલ થયા હતા.

હુમલો કરનાર આ આતંકવાદીઓ ભારતીય સેનાના ડ્રેસમાં આવ્યા હતા અને ગોળીબાર કરીને પોતાની કારમાં ફરાર થઇ ગયા હતા. આ આતંકવાદીઓએ કઠુઆના જ્યાલાચખ વિસ્તારમાં એક ગાડી ઉપર ગોળીબારી કરી હતી અને ત્યારબાદ ગાડી લઇને આતંકવાદીઓ ફરાર થઇ ગયા હતા.આ ઘટનાની જાણ થતાં જમ્મુના તમામ વિસ્તારોમાં સરુક્ષા વધારી દેવામાં આવી છે.આતંકવાદીઓ કઠુઆના જંગલોટમાં આવેલા આર્મી કેમ્પમાં ઘુસી ગયા હતા અને અહીંયા ભારતીય આર્મી અને આતંકવાદીઓ વચ્ચે ગોળીબારી થઇ હતી.

PK