આંતરરાષ્ટ્રીય ઓલિમ્પિક સંઘ(આઇઓસી) દ્વારા વર્ષ 2020નાં ઓલિમ્પિક રમતોત્સવમાંથી કુશ્તીને હટાવવાનો નિર્ણય કરવામાં આવ્યો છે. આઇઓસીએ કુશ્તીને હટાવીને 'મૉડર્ન પેન્ટાથલન'ને ફરીથી ઓલિમ્પિક રમતોત્સવમાં જોડવાનો નિર્ણય કર્યો છે.

આઇઓસી બોર્ડે વર્તમાન ઓલિમ્પિક શેડ્યૂલની 26 રમતોની સમિક્ષા કરીને આ નિર્ણય કર્યો છે. આઇઓસીનો આ નિર્ણય ભારતીય કુશ્તીબાજો માટે નિરાશાજનક છે. કારણ કે છેલ્લા 2 ઓલિમ્પિકથી ભારત કુશ્તીમાં મેડલ જીતી રહ્યુ છે. અને આ વખતે ઓલિમ્પિક કુશ્તીમાં ભારતને એક સિલ્વર અને એક બ્રૉન્ઝ મેડલ પ્રાપ્ત થયો હતો. સુશીલ કુમાર સતત બે ઓલિમ્પિકથી મેડલ જીતી રહ્યા છે.

1952થી અત્યારસુધીમાં ભારતે ઓલિમ્પિક કુશ્તીમાં 4 મેડલ જીત્યા છે. સુશીલકુમાર સિવાય જી જાધવ અને યોગેશ્વર દત્ત ઓલિમ્પિક વિજેતા રહ્યા છે. સૌથી મહત્વપૂર્ણ બાબત એ છે કે આંતરરાષ્ટ્રીય ઓલિમ્પિક સંઘમાં ભારત તરફથી આ મામલે વિરોધ દર્શાવનાર કોઇ નથી. કારણ કે ભારતીય ઓલિમ્પિક સંઘની સદસ્યતા રદ્ કરવામાં આવી છે. ત્યારે દેશનાં પૂર્વ પહેલવાના આઇઓસીનો આ નિર્ણય એક ષડયંત્ર હોવાનું જણાવી રહ્યા છે.

DP