જોહોર બાહરુ : સુલ્તાન જોહોર કપ હોકી ટુર્નામેન્ટમાં અંડર-21 વય જુથમાં ભારતે આક્રમકતા દાખવી પ્રતિસ્પર્ધી પાકિસ્તાનને 4-0 થી હાર આપી હતી. પાકિસ્તાનને આ ટુર્નામેન્ટમાં પહેલી હાર મળી છે. જયારે ભારત રવિવારે યોજાનાર ફાઈનલ મુકાબલા માટે તૈયારી કરી રહી છે.

ભારતને ફાઈનલમાં પહોંચવા માટે ફકત એક મેચ જીતવાની જરૂર છે. ભારતનો આગામી મુકાબલો ગુરુવારના રોજ દક્ષિણ કોરિયા સામે થવાનો છે. ભારત દક્ષિણ કોરિયા સામે મેચ જીતી જાય તો ફાઈનલમાં પહોંચી શકે છે.

પાકિસ્તાન સામેની મેચ દરમ્યાન પ્રથમ ગોલ સુખમનજીત સિંહે, બીજો ગોલ હરજીત સિંહથી ઇમરાન ખાને કર્યો હતો. ઉપરાંત પેનલ્ટી સ્ટ્રોકમાં ત્રીજો ગોલ પણ સુખમનજીતે કર્યો હતો.

કોથાજીતે ચોથા ગોલ માટે માહોલ બનાવ્યો હતો અને રમનદીપ સિંહે ગોલ કર્યો હતો. ભારતીય હોકી ટીમના વ્યવ્સ્થાપક બલજીત સિંહ સૈની ખેલાડીઓના પ્રદર્શનથી ઘણા ખુશ છે. સૈનીએ જણાવ્યું હતું કે ભારતને ફાઈનલમાં પહોંચવા માટે એક અંતિમ પ્રયાસ કરવાની જરૂર છે.

KT/DT